Сања Коцева: „Го посетив божиќниот пазар во Колмар - целиот град е како сцена од бајка“

Детали

четврток, 23 декември 2021

„Слетавме на аеродромот во Базел, Швајцарија, и оттаму се упативме кон Колмар, Франција. За разлика од другите новогодишни пазари, овде целиот град е претворен во пазар со тоа што и сите куќи во кои живеат локалците се украсени за да се вклопуваат во новогодишната атмосфера“, раскажува Сања Коцева (29) од Штип за CRNOBELO.com.

Сања Коцева (29) од Штип, докторка по професија, е вистинска вљубеничка во патувањата.

Таа неодамна го посети божиќниот пазар во Колмар, Франција.

За CRNOBELO.com пренесува каква е атмосферата таму:

„Гледајќи ги сликите од Колмар, отсекогаш ме потсетувале на некоја бајка. Кога пристигнав таму се уверив дека тоа е навистина така.

Колмар е мал град во Франција сместен блиску до границата со Германија и Швајцарија.

Приказната за „Убавицата и ѕверот“ била инспирирана токму од овој град. Комбинацијата од уникатна француска градба и новогодишната атмосфера со украсување на секоја куќа и уличка, го прават Колмар една од најпознатите туристички дестинации за време на празниците.

Новогодишниот базар почнува од 26-ти ноември и трае до 29-ти декември.

Слетавме на аеродромот во Базел и оттаму се упативме кон Колмар. За разлика од другите новогодишни пазари, овде целиот град е претворен во пазар со тоа што и сите куќи во кои живеат локалците се украсени за да се вклопуваат во новогодишната атмосфера.

Насекаде има тезги на кои се продаваа најразлични работи од украси до јадење и пиење.

Најпознато е традициoналното греено француско вино кое се служи во уникатни, шарени чашки со знакот на Колмар, познатиот „ginger bread“, препознатливите германски переци и колбаси, како и најразлични слатки во облик на новогодишните симболи.

Продолжува на следната страна...