Али Вишам, локалец на Малдиви: „Македонците се одлични туристи, но им недостига алкохол кога се на островот“

Од сите екскурзии што ги работиш која им е најинтересната?

Нема сомнение, пливање со ајкули-дадилки им е најинтересното доживување. На почеток скоро сите се плашат, но ако ги почитуваат инструкциите што ќе им ги кажеме тогаш нема никаков проблем.

Од твоето досегашно искуство од каде потекнуваат најзабавните туристи, а од каде најздодевните?

Ги почитувам и сакам сите туристи, но ако треба да издвојам би рекол дека Македонците се едни од најзабавните, зашто секогаш остварувам пријателска поврзаност со нив, а тука се и Шпанците и Русите, но тие не се како Македонците…

Најздодевни се од Индија, зашто никогаш не ги почитуваат правилата што ќе им се кажат.

А, они кои наоѓаат маани за сè?

Индијците.

Каков е животот на локален остров на Малдиви?

Многу едноставен. Ако ги следиш правилата на владата тогаш сè е лесно. Од водење на мали бизниси до стапување во брак. Младата генерација на островот нема проблем со ништо, сакаат да се дружат со странци, тоа на нив многу им е забавно. Постарата генерација знаат да реагираат ако видат некоја жена како по бикини се шета на улица…

А секојдневието тука е слично постојано. Луѓето работат до кај три-четири часот, потоа одат во своите домови да се одморат, да погледаат телевизија и да поминат време со своето семејство. Кога имаме слободни денови најчесто одиме на кафе, го поминуваме времето со нашите пријатели, одиме да пливаме во океанот и спортуваме.

Што е она што секој турист треба да го направи кога ќе дојде на Мафуши?

Да плива со желки, делфини, ајкули-дадилки, да одат на песочни насипи и да ја вкуси локалната кујна: супа од туна, ориз, кромид и риба на скара.

Раскажи ни го највозбудливото искуство во океан?

Хм, пред неколку години, за време на една екскурзија за првпат во животот видов китови-убијци како пливаат покрај бродот. Тоа е нешто на кое засекогаш ќе се сеќавам.

Зошто животот покрај океан е убав?

Таму се наоѓа спокојот што на сите ни е потребен.

© CRNOBELO.com Забрането преземање и копирање. Крадењето на авторски текстови е казниво со закон.

Автор: Е. Х | Црнобело