Дамјан Гроздановски живее во Белгија: „Брисел е град кој вреди да се посети, но има вистински проблем со бездомниците и ѓубрето“

И покрај ова, плажите се убави и со ситен песок што е невообичаено за овој дел од Европа, но водата е ладна и изгледа матна/нечиста.

Јас летово немав стекнато право на платен одмор, па бев неколкупати на белгискиот брег за викенд и покрај големата гужва во возовите во тој период.

Белгија како дестинација за патување е...

Секако вреди да се посети, како што споменав Брисел во декември пред Божиќ, а во останатиот дел од годината, фокусот би ми бил на некои од градовите во Фландрија .

Какви се локалците кога станува збор за љубовните врски? Какви ставови имаат во поглед на бракот?

Во овој поглед мислам дека се како и останатите Европејци. Од тоа што гледам, за брак и семејство најчесто се размислува над 30 години (ако е порано, најчесто е поради даночни олеснувања или за документи за престој на нон-ЕУ партнер).

Исто така, слушнав дека Белгија ја има една од највисоките стапки на разводи во Европа и во светот.

Какви се локалците кога станува збор за пријателствата?

Од локалците немам многу блиску пријатели, но од ЕУ балонот имам навистина добри другари со кои верувам дека ќе останам во контакт цел живот.

 Од тоа што го гледам за пријателствата, сите се подготвени да помогнат, но не прават отстапки и не си го нарушуваат мирот за да им излезат во пресрет на пријателите (во основа не си го нарушуваат мирот ниту за себеси).

Од овој аспект, мислам дека во Македонија и општо луѓето на Балканот сме поблиски, што до некаде нѐ прави и подобри пријатели.

Кои се предизвиците, но и предностите на животот таму?

Како и за секој што живее во странство, на почеток е доста стресно поради промена на околина и сѐ што оди со тоа. Колку добро и да се вклопив, сепак е живот во странство и е далеку од најблиските, далеку од тоа што е „наше“ и на што научени/навикнати.

Со сегашните евтини летови, до некаде и се елиминираат овие негативни работи.

Од друга страна, страндардот и квалитетот на живот е секако повисок, има поголеми можности за напредок, поголема мрежа на луѓе, итн.

Сѐ на сѐ, мислам дека живеењето во странство има повеќе предности од маани, особено за млад човек.

Би се вратил ли да живееш во Македонија некогаш?

Секако дека би се вратил. Знам многу луѓе во Брисел, особено од Јужна и Источна Европа, кои по секоја цена остануваат во Брисел, дури и невработени.

Меѓутоа, јас би се вратил во првиот момент кога нема да ми се укаже убава прилика тука, или ќе ми се укаже подобра можност во Македонија.

Повеќе фотографии од Дамјан во Белгија:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело