Даниела од Скопје, живее во Дубаи со семејството 3 години: „Не го заклучуваме станот, луксузот е на сите страни“

Какви се локалците кога станува збор за пријателствата?

Сопругот редовно игра тенис со некои локалци, тоа му е хоби и воодушевен е од нивната култура манири и гостопримство.

И покрај тоа што редовно ги победува, немаат его или комплекс, туку напротив го возвишуваат неговиот успех и се радуваат за секоја негова победа, што не може да се каже за Французите овде.

На пример сум гледала меч во кој Французинот кога изгуби го искрши со раце рекетот и културно го фрли во корпата за отпадоци.

Пред да одиме во Дубаи што треба да знаеме?

Пред да одите во Дубаи треба да знаете дека Дубаи е можеби една од најлуксузните дестинации за одмор и поради тоа треба добро да се припреми соодветен буџет, бидејќи овде секоја влезница за некоја екскурзија, посета на добра плажа, посета на некој ресторан или театар е нешто кое чини од 100 евра нагоре и тоа најчесто без ништо вклучено.

Во маркет цените се за трипати поголеми од Македонија, но услугата и квалитетот на тоа што го добивате е исто така неспоредливо подобро.

Најголема маана според мене, а што ќе ги разочара особено припадничките на понежниот пол е дека Дубаи воопшто не е добро место за шопинг. Цените се за дури 30% повисоки од каде било во светот, но затоа пак можат да се најдат и парчиња гардероба кои и ги нема на ниедно друго место во светот.

Повеќе фотографии на следната страна...