Јордан од Велес е пица мајстор во најдобрата пицерија во Љубљана: „Учев од врвни Италијанци, тестото мора да се лади 24 часа“

Каков е односот помеѓу старите и новите видови пици? Што преферираат луѓето?

Можам да потврдам дека моментално наполитанските пици се доста популарни и дека секој сака да проба нешто ново.

Постарите генерации знаат да се најдат во дилема каква би била таа наполитанска пица, но кога ќе ја пробаат воочуваат дека тој вид на пици е навистина добар.

Си размислувал ли некогаш да отвориш академија за пица мајстори и своето знаење да го пренесеш и на други?

За академија сè уште не, но за пицерија би рекол ДА!

И со задоволство би подучувал млади луѓе без да плаќаат курсеви во Италија.

Според тебе, кои состојки никако не смеат да се комбинираат во пица?

Во последните години на пиците почна да им се додава сè и сешто. Јас наполитанската пица никогаш не би ја искомбинирал со јајце и свежо овошје.

Кои се најчести грешки при правење пица дома?

Мое мислење е дека најголемите грешки дома ги правиме што тестото не го оставаме доволно да отстои, за добра пица тестото мора да отстои 24 часа.

Можеш ли да споделиш по некој трик за полесно и повкусно подготвување на пица?

Хм, како за секое добро јадење потребни се три состојки: љубов, труд и трпеливост. Кога сите три состојки ќе се соединат добиваме добра пица.

© CRNOBELO.com Забрането преземање и копирање. Крадењето на авторски текстови е казниво со закон.

Е. Х. | Црнобело