Запознајте ја Андријана Илиоска - една од најубавите Македонки, која нè прави горди пред светот (фото)

Детали

петок, 07 јули 2023

„Првата фотосесија беше на мои 14 години. Тогаш првпат бев на кастинг и бев одбрана да бидам заштитно лице на детското списание 'Наш Свет',“ вели Андријана Илиоска за CRNOBELO.com - македонски модел кој 7 години гради успешна интернационална кариера. Од Милано до Кина, Андријана е доказ дека за убавината на македонските жени надалеку се слуша...

Андријана Илиоска (23) од Скопје е еден од најангажираните македонски модели во странство.

По годините поминати со работа во Италија, оваа млада девојка сега е во Кина, каде што ќе остане до септември. Иако е таму од неодамна, Андријана веќе го освојува азискиот пазар и добива многу пофалби за својата работа.

Андријана со моделинг се занимава од 16-годишна воздраст, иако првиот платен моден ангажман го имала на 14 години, а сликала детска долна облека за македонски бренд.

И покрај тоа што е постојано на релација Македонија – Италија, Андријана е студент на факултетот „Гоце Делчев“, на одделот Бизнис логистика, а студиите ѝ одат одлично.

Во интервју за CRNOBELO.com, Андријана раскажува за својата досегашна кариера и искуство во светот на модата: 

Ти си една од најангажираните македонски манекенки и модели и во моментов си во Кина. Што те одведе таму?

Да, моментално сум во Кина, тука работам како модел. Имам договор од 3 месеци, што значи дека ќе бидам тука до септември. 

Како всушност се случи твоето заминување во Азија?

Досега работев и живеев во Милано, но пред извесно време добив понуда од агенцијата M2Models во Кина.

Кина отсекогаш била дестинација којашто сум сакала да ја посетам, па оваа понуда ми делуваше како супер можност да стекнам искуство во моделингот дури и на друг континент.

Тука сум скоро еден месец.

Па, покрај многубројните кастинзи што ги имам секојдневно, досега веќе имав неколку ангажмани - фотосесија за спортска опрема за брендот Elle Active Korea, новата колекција на долна облека за брендот Shein, елегантни фустани за Vida Cotuture, а имав фотосесија и за перики за брендот Haircube и новата колекција за брендот Micas.

Веќе имам закажано уште неколку фотосесии кои ќе се реализираат деновиве.  

Како почна твојата кариера? Некој те откри или сама сакаше да бидеш модел/манекенка?

Љубовта кон моделингот ја имам од најрана возраст, а мојата прва фотосесија беше на мои 14 години.

Тогаш првпат бев на кастинг и бев одбрана да бидам заштитно лице на детското списание „Наш Свет“.

На кастингот се пријавив сама, и во конкуренција од повеќе од 50 девојчиња, бев избрана да бидам заштитно лице во текот на целата година. 

Mojoт прв платен ангажман, беше фотосесија за детска долна облека за Тритекс 2014.

И таму се пријавив на отворен кастинг и имав среќа токму јас да ја сликам нивата колекција на долна облека за деца. 

Подоцна на мои 16 години започнав посериозно да се занимавам со моделинг и да патувам и надвор од Македонија.

Моето прво патување надвор од Македонија  беше во соседна Грција, се работеше за тест фотосесија која што беше во соработка со македонски фотограф. 

Подоцна почнав да патувам и на избори за убавина каде што ја претставував нашата држава на повеќе од 20 интернационални избори ширум светот, како што се Италија, Кипар, Турција, Србија, Бејрут, Хрватска, Египет, Виена, Албанија. 

 

Продолжува на следната страница...