Коста Петров: „Кога се сакаш себеси, кога ќе научиш да си простиш себеси, кога ги прифаќаш сите свои верзии - тогаш почнуваш вистински да живееш“

Кои совети би му ги дал на детето во себе за подобро да го подготвиш за животот?

Сите совети се во книгата. Но книгата не е само за советите и научените лекции. Всушност книгата има една порака а тоа е, прегрни го детето и кажи му дека го сакаш. Љубовта е доволна.

Кога се сакаш себеси, кога ќе научиш да си простиш себеси, кога ги прифаќаш сите свои верзии, тек тогаш почнуваш вистински да живееш.

Зошто се одлучи да напишеш детска сликовница? Ќе продолжиш ли со пишување на книги за најмладите?

Отсекогаш сакав да напишам детска сликовница ама моите мисли биле прекомплицирани, па дури на момент и конфузни, но пишувањето на новата книга, некако ми ги расчисти мислите и конечно можев чисто и јасно да размислувам.

Се разбудив едно утро во 4 часот и ја напишав сликовницата за 20-тина минути. Ова е приказна за сите работи што јас би сакал некој да ми ги кажеше кога бев дете.

Кој ти беше најголемиот предизвик со пишување на детската сликовница додека му се обраќаше на суперхеројот кој живее во секого од нас?

Немав апсолутно никакви предизвици. За 20 минути го извадив сето она што сум го чувал во себе со години. Ова е приказна за ЈАС и ТИ. Приказна за самоприфаќање, приказна за самољубиe, но и самопочит.

Нас цел живот нè учат како да бидеме добри кон другите, како да ги сакаме другите. Никој не нè учи како да бидеме добри кон себе, како да се сакаме себеси.

Мојата желба е сите што ќе ја прочитаат сликовницата да сфатат дека суперхеројот живее во секој од нас, еднинствено што треба да направиме е да го слушнеме неговиот глас.

Како за крај, која е најважната лекција што животот ти ја дал да ја научиш?

Најважната лекција е во 40-то поглавје од книгата.

© CRNOBELO.com Забрането преземање и копирање. Крадењето на авторски текстови е казниво со закон.

Автор: Е. Х. | Црнобело