Роберт Спасенцовски - Џокер за татковството: „Се усовршив да сменам пелена за 6 секунди“

Иако е поминато само кратко време, кој е најголемиот гаф што си го направил како татко?

Не знам, гаф како гаф нешто специјално да издвојам немам, но знам да се изнервирам кога Киан ќе се најаде, а ние само што сме го преоблекле и тој „ќе бљуцне“ (поврати млеко).

Па, ајде од почеток сè, со борби, со плачење за пак да се преоблечеме за да не седи мокар.

На кого личи повеќе, на тебе или на Антониа?

Се разбира, цел е на тато.

Кој го избра името Киан? 

Името го најде Антониа.

Ми се допадна и мене веднаш, посебно што е кратко, бидејќи моето презиме е едно од подолгите, ако не и најдолгото што сум го сретнал досега.

Затоа одлучивме да е нешто кратко, а сепак убаво.

Колку си, всушност, среќен што имаш син? Посакуваше можеби ќерка или не?

Пресреќен сум што имам син. Отсекогаш сум сакал да имам два сина.

Не дека не сакам ќерка но, што знам, мојата желба беше првото дете да е син и ми се оствари.

А потоа, да, го истетовирав неговото стапало на мојата лева рака и врз стапалото е напишано неговото име.

Која ти е најубавата работа поврзана со татковство досега?

Можеби е прерано да издвојам некоја работа што е посебна, освен тоа што имаш нешто твое.

Сè е минливо во животот: сите пријатели, сите познаници, автомобили, станови, имот, но децата се нешто што останува засекогаш.

А најстресна?

Па, искрено, често знае да ме фати мрза кога треба да се избања, а и сè уште се борам со плачот кој ми пречи, особено пред да заспие.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело