Охриѓанката Маринела Кошаркоска е тату-артист во Чикаго: „Од дете цртав уметнички дела и икони, сега тетовирам“

Која е најкомплицираната тетоважа што ти ја побарал некој?

Секоја тетоважа има различна приказна, како за клиентот, така и за мене како уметник.

Поединечно, не би можела да издвојам комплицирана тетоважа.

Сè зависи од издржливоста и трпението на самиот клиент. 

Колку се разликуваат тетоважите што ти ги бараат момците и девојките?

Во основа не се разликуваат многу, освен што можеби девојките некогаш сакаат понежни тетоважи.

Но, станува збор за индивидуален избор.

Дали прекриваш тетоважи или лузни со нови тетоважи?

Не секогаш прифаќам прекривање на тетоважи и лузни.

Најпрво правиме консултација со клиентот и доколку двајцата се согласиме продолжуваме со следниот чекор.

Кое е најболното место за тетовирање, а каде боли најмалку ?

Сметам дека искуството повторно е индивидуално бидејќи по природа сите ние различно толерираме болка.

Дали некој се вратил незадоволен од тетоважата. Ако да, како го решаваш проблемот?

Клиентите најчесто ме избираат бидејќи им се допаѓа мојот стил на работа.

Пред да започнеме со цртање, одржуваме консултации каде што им давам препораки и професионални инструкции за детали кои сметам дека би влијаеле на финалниот резултат.

Дали ти се случило некогаш некого да одбиеш за тетоважа и зошто?

Во тетовирањето, исто како и во уметноста, има различни стилови, realism, watercolor, illustrative и слично.

Доколку некој клиент побара тетоважа која не е во мојот стил на работа, најчесто му давам препорака да побара некој од моите колеги.

Кои правила мораш да ги исполнуваш во Америка за да може да ја работиш оваа професија? Се бара ли некој сертификат?

За да работиш како тату-артист потребно е да поседуваш сертификат за завршен Blood borne pathogen training.

По добивањето на сертификатот, се започнува со практична работа во која постојано се учи и усовршува стилот на уметникот.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело