Тони Зен за татковството: „Синот Јасен ме смени на подобро“

Како го минувате времето кога сте сами двајцата?

Како другари. Ако не иде во градинка, се дружиме цел ден заедно, башка и со Алф (кучето), банда сме ептен.

Бидејќи сопругата е на работа преку ден, јас ги дружам.

Има ли омилени места кај што сака да го носиш или активности кои сака да ги правите?

Јасен е разновиден, не се врзува за едно место, па тоа да му е омилено.

Сум приметил дека сака да се дружи со дечиња, интеракцијата му е поважна отколку реквизитите.

Какво дете е Јасен?

Златно дете е Јасен, од изворот директно.

Покажува ли тој талент за музика? Има ли музички афинитети или уште е мал?

Има 5 години и осет за повеќе аспекти од животот, меѓу кои и музиката. Поубаво пее од мене, ха, ха.

Колку од својот карактер препознаваш во карактерот на синот? Или е повеќе на сопругата?

Повеќе има од сопругата особини примено, на неа е метнат. Од мене може инаетот му е.

А на кого личи повеќе физички - на тебе или на мајка му?

Убава комбинација и од двајцата, а за среќа, на сопругата личи повеќе, ха, ха.

Јасен има навистина несекојдневно име - кој го бираше и има ли приказна што стои зад тоа?

Го имавме на ум и двајцата тоа име, но, сопругата е позаслужна да се вика Јасен. Многу некако спонтано и природно се случи тоа, само по себе си дојде името.

Која ти е најубавата работа поврзана со татковство?

Научив дека што поголема одговорност, тоа поголеми слободи живееме, така што, да бидам одговорен е најубавата работа. Кога не сум одговорен, не сум јас, не сум среќен и исполнет.

А што ти е најстресно?

Децата се ранливи, па најстресно е кога ќе крене 40.6 температура.

Колку те смени раѓањето на синот?

Ме смени, многу, на подобро.

Што е подобро во твојот живот откако се роди тој?

Сѐ е подобро.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело / фото: Приватна архива