Љубовната приказна на нашата стјуардеса Ана и Тарек од Јордан: „Живееме во Дубаи, тој уште не бил во Македонија“

Детали

вторник, 08 октомври 2024

„Јас сум стјуардеса, летам на долги релации, и дома често само на спиење се појавувам, Тарек е инженер во фирма за градежништво, каде се работи и по 10-11 часа во денот, па така патувањата ни се најдобар начин на поврзување“, вели Ана Колевска за CRNOBELO.com.

Ана Колевска е наша стјуардеса, која години наназад живее и работи во Дубаи, па токму таму ја пронашла и љубовта на својот живот – инженерот Терек.

Тарек е израснат во Јордан, но има мајка од Романија и татко од Палестина, така што менталитетот му е многу сличен на нашиот, открива Ана.

Таа вели дека најмногу ги поврзува страста за патувања.

За нивната љубовна приказна, Ана говори за CRNOBELO.com:

„Со Тарек се запознавме спонтано околу крајот на 2021 година, на божиќна забава од заеднички пријатели.

Си разменивме Инстаграм, но јас не посветив многу внимание, едноставно беше само уште едно ново познанство за мене.

Неколку месеци подоцна случајно се видовме во клуб, јас чекав пијачка на шанк, а тој ме забележал и ми се придружи. 

Неколку пијачки подоцна, муабети и смеење, па ме покани да им се придружам со истото друштво на патување во Барселона и Ибица за музички фестивал. Бидејќи сум спонтана личност, јас веднаш прифатив и ја букирав картата во истиот момент без размислување.

Тарек беше изненаден од мојата реакција и рече дека досега нема видено некој со толку импулсивен и авантуристички дух и дека баш заради тоа му се допаѓам.

После тоа сè е историја. Интересно е тоа што сите мислеа (вклучувајќи ме и мене) дека тоа е импулсивна реакција од мене и дека сè ќе заврши како една летна авантура.

Тоа патување беше најверојатно мојата најголема и најзабавна авантура во животот. После тоа следуваа уште неколку испланирани заеднички патувања (Шри Ланка, Турција, Индија).

Продолжува на следната страница...