Македонката Стефана за љубовта со сопругот Нигериец: „Лаурел обожава пита со праз, многу се труди да научи македонски“

„Лаурел беше изненаден од гостопримливоста на Македонците и колку е блиско семејството овде. Во Нигерија, мажите не се многу вклучени во домашните обврски, но Лаурел е исклучок – тој е фантастичен сопруг и татко“, раскажува Стефана, која со сопругот од Нигерија живее во Скопје.

makedonkata-stefana-za-ljubovta-so-soprugot-nigeriec-obozhava-pita-so-praz-mnogu-se-trudi-da-nauchi-makedonski-01.jpg

Македонката Стефана и сопругот Лаурел од Нигерија се запознале во Дубаи.

Како што вели Стефана, средбата била љубов на прв поглед и сега, повеќе од две години подоцна, тие се и во брак.

Вљубениот пар живее во Скопје, а заедно имаат едно детенце.

Тие имаат Инстаграм и ТикТок профили каде споделуваат детали од нивното секојдневие, вклучувајќи и забавни мигови кога Лаурел првпат пробува некое македонско јадење или, пак, учи за некоја наша традиција.

Во интервју за CRNOBELO.com, Стефана раскажува за нивниот живот овде, а открива и како се снаоѓа сопругот во потполно различна средина од онaа на којашто бил навикнат.

makedonkata-stefana-za-ljubovta-so-soprugot-nigeriec-obozhava-pita-so-praz-mnogu-se-trudi-da-nauchi-makedonski-05.JPG

Целото интервју во продолжение:

Кога и каде се запознавте со сопругот?

Со сопругот Лаурел се запознав на 22 ноември 2022 година во Дубаи, отидов на одмор и останав таму. Тоа беше љубов на прв поглед.

makedonkata-stefana-za-ljubovta-so-soprugot-nigeriec-obozhava-pita-so-praz-mnogu-se-trudi-da-nauchi-makedonski-15.JPG

Раскажи ни нешто повеќе за свадбата… Каде ја правевте? Дали следевте традиции од Македонија и Нигерија? Колку се разликуваат свадбите во Нигерија од македонските?

Свадбата ја направивме на 13 декември 2023 година.

Немавме традиционална свадба во целосна смисла, но се обидовме да комбинираме елементи од македонската и нигериската култура.

makedonkata-stefana-za-ljubovta-so-soprugot-nigeriec-obozhava-pita-so-praz-mnogu-se-trudi-da-nauchi-makedonski-14.JPG

Во Нигерија свадбите се многу големи, шарени и често вклучуваат големи семејни собири со специфични обичаи и облека.

Македонските свадби, пак, се поедноставни и со поинакви традиции, како орото. Нашата свадба ги спои нашите два света и беше прекрасен ден.

makedonkata-stefana-za-ljubovta-so-soprugot-nigeriec-obozhava-pita-so-praz-mnogu-se-trudi-da-nauchi-makedonski-07.JPG

Дали постојаниот дом ви е во Македонија? Дали размислувате да останете овде или има план да живеете и во Нигерија?

Моментално живееме во Македонија, но сакаме да живееме некое време во Нигерија или на друго место за да доживееме нови искуства и култури.

Како се адаптира сопругот на Македонија и животот овде? Што му се допаѓа, а што не?

Лаурел се адаптира доста добро на животот во Македонија. Му се допаѓа мирниот начин на живот и љубезноста на луѓето.

Единствено му пречи студеното време, бидејќи климата е многу различна од Дубаи, каде што претходно живееше.

makedonkata-stefana-za-ljubovta-so-soprugot-nigeriec-obozhava-pita-so-praz-mnogu-se-trudi-da-nauchi-makedonski-13.JPG

Како му се допаѓа храната? Кое му е омилено јадење од македонската кујната? А, кое е твое омилено јадење од нигериската кујна? Колку се разликува храната во Македонија од храната во Нигерија?

Лаурел ужива во македонската кујна! Особено сака да јаде пита со праз, полнети пиперки, и да пие ракија.

Јас, пак, ја обожавам нигериската супа Егуси со фуфу, која има посебен вкус и е многу различна од македонските јадења.

Имаме и ТикТок профил @the_ebhodages, каде што секојдневно објавуваме видеа како Лаурел зборува македонски, јаде македонска храна и учи нови традиции и обичаи.

makedonkata-stefana-za-ljubovta-so-soprugot-nigeriec-obozhava-pita-so-praz-mnogu-se-trudi-da-nauchi-makedonski-08.JPG

Продолжува на следната страница...



Би можело да ве интересира:

Марк и Гони од Холандија се преселија во Македонија: „Имаме своја пекарница, земјата е преубава“ „По првиот одмор во Македонија во 2015-та, одлучивме повторно да се вратиме. Па,...
Елена од Кавадарци е мејкап артистка во САД: „Не планирав да се селам, тука заработката е поголема и... „Во САД најчесто само невестата, девериците и мајките најмуваат шминкер за свадб...
Французинката Олга 2 пати го посети Скопје: „Македонците се прекрасен народ“ „Ми се допадна културата, мешавина помеѓу оксидент и ориент, природата, византис...
Сара Трајковска, ќерката на Борис Трајковски ексклузивно за CRNOBELO: „Омилените спомени со татко ми... „Често му бев верна придружба кога одеше на пазар, а кога патуваше, од секаде ми...
Сашо од Битола за животот на Флорида: „Кога си далеку од дома сè ти недостига – но, не знам дали би ... „Бидејќи работев на брод, беше лесно да извадам туристичка виза и да дојдам посл...
Младен од Валандово: „Почнав како чистач, денес сум директор на брод, таму ја запознав сопругата од ... „Претходната година се венчавме во Македонија, имавме прекрасна свадба, но ги ис...

Најчитани неделава

sonovnik-sidebar.jpg