Д-р Ива Малахова Ѓореска, гинеколог акушер: „Тренд меѓу младите мајки е породување со царски рез, а природното е подобро“

Има ли многу жени кои доаѓаат со желба да се породат со царски рез директно?

Секако дека да! Тренд меѓу младите мајки е породување со „царски“.

Конкретно на нашата клиника не постои породување со царски рез по желба на пациентот. Ние тоа темелно секојдневно го објаснуваме, притоа нудиме опција за безболно породување, благодарение на нашите искусни и секогаш подготвени анестезиолози.

Сепак, царски рез е оперативен зафат кој за нас е прилично едноставен и трае 30-45 минути, но истовремено е отворање на абдоменот на мајката. Замислете како тој изгледа при три или четири породувања со царски рез?!

Колку е поинакво породувањето со близнаци?

Породувањето близнаци е секогаш многу убав и возбудлив момент за родителите, но и за нас како екипа!

Тоа е возбудлив момент кој прв ќе излезе, кој ќе биде постар/а, кој е поголем/а или кој е поубав/а …

Породувањето е идентично како и кога има еден плод во моментот кога двете близначиња се во главична презентација, односно свртени со главчињата надолу или пак првото е главично, а второто карлично.

Во сите останати случаи породувањето најчесто е со царски рез.

Колку за вас е магичен мигот кога мајката за првпат го гледа своето бебенце? Дали во тоа се крие убавината на вашата професија?

Апсолутно! Тоа е убавината во нашата професија, секојдневно сме сведоци на прв плач и прв бакнеж на мајка и бебе.

Има и моменти кога на барање на таткото и согласност од персоналот и тој е дел од породувањето. Тогаш е навистина интересно, емотивно, но понекогаш и најстресно за таткото (ха-ха).

Колку е болно шиењето долу?

Шиењето на епизиотомијата или расцепот се секогаш со употреба на локален анестетик, кој се пласира неколку минути пред да се почне со шиење.

Пласирањето на анестетикот зависи од искуството на лекарот, но секако и од прагот на болка на пациентката.

Секогаш се шие со ресорптивни конци кои не се вадат, односно сами се распаѓаат, откако ќе си ја завршат својата улога.

Продолжува на следната страница...