Ана Најдовска се породи во Норвешка: „Имаше само бабица, со новороденчето нè префрлија во врвен болнички хотел“

Детали

недела, 09 февруари 2025

„Се породив во болница во Осло, од моментот кога се роди мојот син не беше одвоен од мене. Следниот чекор беше болничкиот хотел. Многумина беа изненадени што престојуваме во хотел по породувањето, но ова е начинот на кој Норвешка се грижи за новите мајки“, вели Ана Најдовска од Скопје за CRNOBELO.com.

Ана Најдовска од Скопје со сопругот и ќерката Оланна (5) живее во Осло, Норвешка. Таа е во брак со норвешкиот фудбалер Чума Уче Анене, кој е напаѓач на фудбалскиот клуб Амкар Перм.

Парот сега го доби своето второ дете, а Ана со синот се породи во една прекрасна болница во Норвешка.

За целото искуство таа има само најдобри зборови и вели дека не платиле ништо.

За CRNOBEL.com споделува како изгледало породувањето таму:

„Да донесеш дете на свет е искуство како ниту едно друго, и се чувствувам неверојатно благословено што повторно имав толку прекрасно искуство.

На 1-ви февруари го пречекавме нашето второ дете, нашиот син, Оби Елиас, во Осло, во државната болница „Ullevål“ (Уллевол).

Иако породувањето беше различно од првиот пат, искуството беше навистина прекрасно.

Се породив природно, без никакви медикаменти... Само јас, мојата бабица и мојот сопруг, верувајќи во процесот и чекајќи го вистинскиот момент.

Породилната соба беше топла и пријатна, со придушено осветлување, када за релаксирање и породување, пилатес топка и сè што беше потребно за создавање смирена атмосфера.

Иако не бевме спиени цела ноќ, сопругот и јас се трудевме да ја задржиме смиреноста, додека го очекувавме нашиот син.

И тогаш, конечно, по сето исчекување и интензивни емоции, тој пристигна. Болката веднаш исчезна, заменета со огромна радост и љубов.

Додека сè уште лежев на породилниот кревет, преплавена од емоции и замор, го држев најтоплото малечко тело на моите гради. Нашиот прв контакт кожа на кожа беше момент што те тера да заборавиш на сè друго.

И токму во тој момент, сестрата ме праша: „Дали сакате да го погледнете менито за денот?“ Ме насмеа.

Штотуку се породив, и сега беше време да го одберам првиот оброк како мајка на две деца. Секако, го избрав лососот со компири и брокула.

Продолжува на следната страница...