Филипинката Кристи 14 години живее во Македонија: „Родителите првпат ми дојдоа на гости - што ги воодушеви, а што не им се допадна?“

Она што им беше невообичаено тука, односно можеби очекуваа да го видат во Македонија затоа што на Филипини е секојдневие - е посебниот третман кој го имаат стари лица на пример во банка, во маркет, во лифт, но овде го нема.

Тие беа малку изненадени што нема посебна линија и ред за стари лица како нив, па мора да се движат и да чекаат во ред заедно со младите.

Бидејќи мајка ми и татко ми живеат во Манила, кој е огромен град со 15 милиони жители, огромна инфраструктура, облакодери, и голема гужва, воопшто не им беше тешко да се прилагодат на Македонија, на Скопје, на помалите градови кои ги посетивме.

Едноставно уживаа во убавата природа и во звуците во природата.

Тие се вљубија во македонската храна, особено во храната што ја подготвуваше мојата свекрва.

Дури и продолжија да готват македонски рецепти откако се вратија на Филипините и спремаат македонски специјалитети за остатокот од моето семејство (сестра ми, внуците и останатите роднини) за и тие да ја пробаат македонската кујна.

Со себе на Филипини понесоа и многу тегли со ајвар.

Иако сум скоро 15 години во брак со Бојан, моите родители дури сега првпат се запознаа во живо со мојата свекрва.

Претходно имаат комуницирано само на камера.

Но, и покрај тоа што мојата свекрва зборува многу малку англиски, а тие воопшто не знаат македонски, морам да признаам дека комуникацијата им одеше одлично - мавтаа со рацете, се снаоѓаа како знаеја и умееја, важно секогаш беа насмеани.

Татко ми дури и гледаше вести на македонски јазик, и морам да го пофалам максимално се потруди да научи некој збор.

Па сите кои дојдоа на забавата по повод неговиот 70-ти роденден (кој го прославивме кај нас) ги поздрави на македонски и им кажа „фала“.

Тие си заминаа полни со впечатоци и секако дека би сакале да се вратат повторно, но и јас би сакала да дојдат да нè посетат пак.

Иако Македонија е мала земја, има уште многу места кои останаа да се видат.

Ние наскоро ќе одиме да ги видиме нив на Филипините, што многу ме радува.

На крај, само сакам да им се заблагодарам на сите мои пријатели, а посебно на сопругот Бојан, што дадоа сè од себе за моите родители да се чувствуваат добредојдени и да поминат три прекрасни месеци во Македонија“.

Погледнете повеќе фотографии во продолжение:

Продолжува на следната страница...