Наташа и Горан Папаз се родители на тројка: „Плачат сите наеднаш, трошиме по 24 пелени дневно, но ова е убава песна“

Ти недостига на моменти мир и тишина? Кој ти помага најмногу среде овој „сладок хаос“?

Сега за сега, не можам да се пожалам, а се надевам и Горан, ќе видиме како ќе продолжи. 

Иако грижата за бебињата понекогаш физички може да нè исцрпи, јас навистина ги чувствувам како мојот мир и непресушен извор на позитивна енергија.

Како што напоменав, и јас и Горан сме заедно вклучени во сите обврски, а ни помагаат и бабите и дедовците, а секако тука е и бато Дами, кој сака да биде вклучен во целиот процес со грижа како „поголем бато“.

Дали бебињата уште отсега имаат некаква поврзаност, да се смируваат кога се едно до друго на пример и слично, или прерано е затоа?

Најверојатно е прерано за тоа, сега знаат само да се закачнат со рачињата и понекогаш заедно да испеат некоја „песна“.

Што би им порачала на оние кои имаат едно бебе и се жалат на моменти?

Секоја планина, своја тежина. Секое бебе е приказна за себе, понекогаш и едно бебе бара ангажираност и будност како за три и обратно.

Секако, во моментов јас најмалку можам нешто да порачам, бидејќи и ние „се учиме“ и справуваме по пат на обиди и грешки и реално, можам само да ги прашам за некој дополнителен совет.

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело