Антониа Гиговска: „Киан ме научи да сум борбена, се плашев дека поради честите отсуства нема да сака да го заспивам“

Колку кариерата и фактот што после една година пауза целосно му се посвети на пеењето, влијае на мајчинството? Како успеваш да ги балансираш двете работи?

Влијае многу. Прво, ми влијаеше мене психички, и имав страв дека детето нема да сака да седи со мене, дека нема да сака јас да го успивам, со оглед на тоа што е многу често со бабите.

Меѓутоа, веќе јасно знае која е мама, која е баба, кој е тато кој е дедо.

Се случува цела недела да имам снимања и да сум отсутна, па тоа ми е искрено многу тешко, зашто Киан многу брзо расте и имам чувство како да ми бега времето со него.

Меѓутоа, тоа е дел од мојата работа, јас заработувам за него и за тој да има, така што верувам кога ќе порасне ќе разбере.

Која ти е најубавата работа поврзана со мајчинството?

Најубавата работа ми е што ме промени како личност, ме направи многу смирена, и направи да верувам дека само тој е важен на овој свет.

Ме научи да се борам и да бидам упорна. Најубав дел ми е кога ќе дојде и ќе ме бакне.

Сопругот свири со тебе на твоите настапи - дали е тоа предност или сепак не во однос на бракот и вашата љубов?

До сега било предност, се надевам така и ќе остане (ха-ха).

Искрено, супер ни е, свириме и пееме, меѓусебна сме си поддршка и во сè сме заедно.

Дали е Роберт романтичен - кое е најубавото љубовно изненадување што ти го приредил?

Ух, морам да ве разочарам и да кажам дека не е баш баш романтичен.

Меѓутоа знае да ме изненади со некое убаво поклонче, некоја добра патика, убаво цвеќе со убава порака за Осми март или, пак, меченце со срценце за Денот на вљубените.

Најмногу знае да ме изненади кога ќе зготви некој добар омлет со состојки по негов избор, и тоа секогаш е превкусно.

Која ти е најголемата музичка желба, некој дострел во кариерата кој ќе се обидеш да го постигнеш - што најмногу би сакала и се надеваш дека еден ден ќе си го оствариш)?

Тоа е дефинитивно се Џастин Бибер и Дуа Липа од светската сцена. Мојот неостварен сон е дует со нив двајца.

Скоро и нереално дека некогаш ќе успеам да го достигнам тој успех, меѓутоа мојата песна вели „Никогаш не вели никогаш“ (хе-хе).

Ако доволно работиш, имаш желба и веруваш во тоа, ништо не е невозможно.

„Аман“ е втората песна од твојот иден албум. Кога може да го очекуваме целиот албум, имајќи предвид дека најави дека прво ќе ги промовираш песните една по една, а потоа ќе ги споиш во еден носач на звук?

Точно! Ќе излегуваат песна по песна, затоа што така почувствував дека е правилно.

Не знам кога точно ќе излезат сите, но се надевам дека во точниот тајминг кој си го замислив во глава.

Ќе има приближно 10 песни, 3 песни се готови, со тоа што во албумот е и „Жена“ како носечка, а другите демоа ги работиме и се во процес.

Кога ја сними „Жена“, очекуваше ли дека преку ноќ ќе стане вистинска женска химна и дека толку жени, па и млади девојки ќе се пронајдат во неа?

Да бидам искрена НЕ! Не очекував дека ќе стане волку голем хит, дека ќе стане химна на сите девојки, жени.

Многу се радувам што јас, Лазар и Ена, направивме ремек-дело и песна што ќе се пее цел живот.

Без кои 3 работи не можеш да си го замислиш денот?

Теретана, добра храна и пижами.

А каква е Антониа зад камерите, кога не пееш, не си нашминкана и кога си само своја?

Во пижами цел ден (ха-ха).

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело