Љубовната приказна на каратистката Моника Стефановска и Илија: „Не сме романтични, но уживаме во исти работи“

Имате син и бебе на пат... Колку раѓањето на синот ви ја зацврсти љубовта?

Со неговото раѓање, љубовта ни доби некое ново лице. Ни покажа страна од нас што претходно не ја знаевме и многу ја сакам таа верзија од нас.

Преку него, секој ден учиме нешто ново еден за друг, и растеме – без притисок, не само како родители, туку и како пар.

Кој е поромантичен - ти или Илија? Која е најубавата романтична работа што ја направил за тебе, или ти за него? 

Не сме нешто романтични по дефиниција, ама баш тоа што уживаме во истите работи ни е најголемата романтика.

За нас, токму во тоа е убавината, кога и наједноставното ни е убаво бидејќи сме заедно. 

Што, според тебе, е важно за успешен брак?

Иако не сме многу години во брак, за ова време научивме нешто важно – дека сè се гради со разбирање, трпение и искреност.

Покрај љубов и страст, она што ни дава сила е трпението и искреноста.

Трпението ни помага да се слушаме и да се прифаќаме, а искреноста гради доверба и близина.

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело