Инспиративна дама со впечатлив стил: Проф. Јана Клопчевска е доказ дека жената може да биде сè - научник, мајка, модел и лидер

Ги сакам парчињата на Минимал и ташните на Багабонд, чии кампањи имав чест и да ги поддржам, затоа што навистина верувам во вредноста на локалниот, автентичен дизајн – и во тоа дека ми „лежат”. Клучот е во убаво скроена силуета и мал, но значаен детаљ што вели: „ова сум јас“.

А што никогаш не би облекла? Нешто што не ми дозволува да дишам – буквално и симболично. Не би носела парче што е агресивно тренди, но во кое не се чувствувам јас.

Сметам дека не секој тренд мора да се следи. Вистинската елеганција е во тоа да знаеш што ти прилега – и да го носиш со самодоверба.

На крајот на денот, стилот треба да ти служи тебе, не обратно. Ако не можеш да се насмееш и да се движиш слободно во таа комбинација – тоа не е твојата формула.

Постојат ли стереотипи за модата и убавината во деловниот свет и во светот на научниците, но и општо во животот, се соочувате ли со нешто такво?

„Кога ќе влезам на научна конференција со црвен кармин и високи потпетици, понекогаш прво се слушаат потпетиците – а потоа резултатите. Но токму тие потпетици ги носат и иновациите“.

Апсолутно, стереотипите сè уште постојат - но јас ги гледам како предизвици што треба да се надминат, а не како бариери.

Во науката и бизнисот, често постои таа старомодна идеја дека убавината и мозокот не можат да коегзистираат. Јас велам: Зошто не и двете? За мене, стилот е форма на самоизразување и самодоверба, а не одвлекување на вниманието.

Кога се чувствувате добро во вашата кожа и облека, вашата работа е видлива. Јас го носам моето знаење и мојата елеганција - и така ги кршам стереотипите секој ден.

Во науката, често мораш да си „невидлива“ за да те сфатат сериозно. Но јас решив да бидам видлива – и по изглед, и по став.

Модата не ја гледам како површност, туку како уште една платформа за комуникација. Јас сум доказ дека можеш да бидеш и паметна, и впечатлива, и своја.

Сакам убава облека, сакам женственост, и не гледам зошто тоа би било во судир со мојата академска или деловна вредност.

Или ако обрнуваш внимание на изгледот, тоа автоматски те става на „помалку сериозната“ страна.

Истото важи и во секојдневниот живот – жените често се наоѓаат во двоен притисок: да изгледаат добро, но да не изгледаат „премногу“; да бидат успешни, но и да не делуваат „наметливо“.

Мојот одговор на сето тоа е: Кога си верна на себе и на своите вредности, стереотипите немаат моќ – се распаѓаат пред твојата доследност и резултати.

Кои се вашите рутини и навики за убавина? Колку време се подготвувате наутро или пред да излезете?

„Убавината не е филтер – таа е фреквенција. Ја негувам како што се негува идеја: со внимание, доследност и љубов кон себе.“

За мене, убавината започнува пред огледало, но не завршува таму. Мојата рутина за убавина е едноставна.

Секое утро започнува со чаша топла вода со лимон, куркума и прстофат бибер, инспирирана од мојот тренер по пилатес.

Потоа здрава ужина и пробиотици за да го напојуваат моето тело одвнатре. Негата на кожата е нежна: свежо чистење со Белина, проследено со хидратантен крем со SPF 50 и само малку природна шминка - замислете лесен коректор, малку руменило и маскара.

Сакам да изгледам свежо, а не претерувано односно “makeup no makeup”.

Ми требаат околу 20 минути, но кога е голем настан, додавам малку дополнително време и му верувам само на Oкtay за мојата коса.

„Најсилната формула за убавина? Дoбar сон. Чиста совест. Чаша вода. И насмевка што не се брише.“

Кои ви се омилени модни додатоци? Дали можеби сте колекционер на некои модни додатоци?

„Јас не бројам чанти – ги чувствувам“.

Модните додатоци знаат како да направат „wow“ ефект без врева. Чантите и очилата за сонце ми се апсолутни миленици, или како виното на крајот од денот – не мора, ама животот е подобар со нив.

Не би се нарекла класичен колекционер, но ќе признаам – мојата збирка внимателно „расте“ со текот на годините. Секоја чанта ја бирам со мисла – дали ќе ми држи темпо?

Дали ќе го издржи денот што почнува со предавање, продолжува со состанок, па завршува на аеродром? Ја обожавам азиската едноставност и брендови како Charles & Keith, но и онакви како Dragana Ognjenović, MonologueBelgrade, Anrebyerna, Lamat, COS… несомнено Јована Филиповиќ.

Женски потпис со моќна визија – тоа е мојот стил. „Очилата за сонце? . Имам неколку пара, и ги ротирам според расположение, сончева светлина и... ајде да признаам, драматичноста на денот.

Чевлите ги сакам естетски, но мора да ми „служат“. Не сум жена што ќе страда за висока пета, можеби и поради мојата висина, немам толкава потреба, но убавината е важна, ама стабилноста е луксуз што го ценам.

Не ги бројам додатоците. Секој што го носам, носи дел од мене – став, вредност, момент, патување. Сакам префинетост – ама не гласна, туку тивка сензуланост.

Продолжува на следната страница...