Љубовната приказна на Ивона Јо и Кристијан: „Прстенот го криел другар му, но замрзна патот до вилата - викаа полиција напомош“

Раскажи ми за самиот чин на запросување...

Заминавме на два дена во Лесново во Вила Молитва, која ја посетивме на 1 јануари, и се заљубивме во неа.

И уште од тогаш си ветивме дека ќе дојдеме што поскоро тука.

Без мое знаење, Кико со газдата на вилата, господин Блаже, и неговиот најдобар другар, организирале сѐ.

Прстенот и сите детали биле сместени во колата кај другарот на Кико.

Но ноќта  кога требаше да дојдат за да вечераме начелно заедно, барем јас до тука знаев, замрзна патот кој води до вила Молитва.

Имаше многу мраз и не беше прооден патот.

Ѕвонеа на Македонија пат, кои пратија камион за одмрзнување, ѕвонеа во полиција, на многу луѓе кои можеа да помогнат за расчистување на патот за да прстенот стигне до врвот на вила Молитва.

Трновит пат, вели Кико, беше ова, но вредеше затоа што го кажав најлесното да во мојот живот.

Ме фати за рака, ми кажа прекрасни зборови кои потврдија зошто е тој мојот избраник, клекна и побара животот да го поминеме заедно во слога, љубов и разбирање.

Реакциите не стивнуваат, како се носи Кико со тоа? Како реагира на фактот дека си јавна личност која е често во центарот на вниманието?

Кико уште на самиот почеток многу се смееше кога некој ќе ме препознае на улицата и ќе се загледа во нас.

Гледајќи од моја перспектива, одлично се носи со фактот дека сум јавна личност и дека ќе мора да биде во очите на јавноста понекогаш и тој.

Ми вети дека ќе доаѓа со мене на настани и дека ќе каже збор-два на новинари. Ќе го чекам тој момент.

А како реагираше ти на фактот што некои мислеа дека видеото од запросувањето е најава за спот?

Сосема очекувано ми е да не веруваат луѓето дека е вистина, затоа што беше скриено од јавноста сѐ.

Сосема нормално е да помислите дека е најава за спот.

Што ми дава убаво да ми е на душичката зошто режија, монтажа и колор на видеото сме јас, Кико и другар му.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело