Розета од Скопје, мајка на Атанасиа (2): „Ќерка ми се роди со криви стапала, ѝ беа гипсирани до препони, наместо да лази - само лежеше“

Многу е важно и од голема помош фактот дека на мајките кои имаат деца со оваа дијагноза им следува боледувањеод 3 години, за нега на дете.

Многу ни беше тешко бидејќи многу денови ги поминувавме во амбуланта, за редовни прегледи, продолжување болдеување и физикална терапија, ние дури и ја крстивме на 9 месеци со гипс на двете нозе.

Најтешко ми беше што не стоеше, но се случи чудо и на околу 20 месеци возраст почна самостојно да стои, што е многу доцен период за дете со нормален развој.

Благодарение на физикалната терапија таа прооде пред нејзиниот втор роденден, и тогаш ми падна голем товар што го носев на душата.

Особено ми беше тешко што во целиот овој процес јас бев сама, нејзиниот татко работи и живее во странство, а во исто време имам и слепа мајка за која се грижам.

Најголема благодарност до Фејсбук групата на родители на деца со Еквиноварус, кои ми помогнаа низ целото патешествие кое го изодев. До нашите доктори - Теодора Божиновска и проф. Зоран Божиновски, и физитерапевтор Љупчо од Мајчин дом, кој трпеливо работи со сите деца, со многу љубов и посветеност.

Оваа тема е многу малку споменувана, и како шок ми дојде споменатата дијагноза.

Чевлите што мора да ги носи до 5-годишна возраст се многу скапи, а државата не помага од тој аспект, па секој самостојно се снаоѓа за нивна набавка.

И воопшто секојдневно не може да носи било какви чевли за надвор, туку специјални кои чинат околу 4.500 денари.

На сите мајки и идни мајки на деца со Еквиноварус им порачувам да бидат силни и истрајни во овој процес и да знаат дека не се сами“.

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело