Наталија од Битола се избори со ракот на 26 години: „По хемотерапијата во време на корона, конечно повторно се чувствувам добро во своја кожа“

Најголема поддршка во целиот процес ти беше …

Семејството, другарките и моето момче. Нивниот однос кон мене не се промени во текот на целото лекување.

Те промени ли болеста?

Секојдневниот стрес ги потиска луѓето сè дури не дојде до нешто вакво и после се менуваш целосно и знаеш дека за ништо не вреди да се нервираш и да се секираш.

Ако имаш здравје можеш да имаш сè и да постигнеш сè.

Како се чувствуваш сега кога заврши со целиот процес?

По завршувањето чувствувам големо олеснување, како болеста да ме држеше во своите канџи и дури сега ме ослободи.

Чувството е незаменливо само оние кои одат по овој трнлив пат, можат да ме разберат. После 6 месеци конечно повторно се чувствувам добро во своја кожа.

Колку го промени својот животен стил?

Не сметам дека драстично го променив животниот стил, единствено сум повнимателна спрема себе, не си дозволувам да бидам под стрес и повеќе внимавам на имунитетот, односно внесувам повеќе витамини и ја отстранив мрсната, конзервирана и зачинета храна од мојата исхрана.

Што си посакуваш за 10 години отсега, покрај добро здравје, се разбира?

За 10 години од сега се гледам како успешен фармацевт. Се надевам дека ова искуство ќе ми биде плус знаење кое ќе го употребам за да помогнам на секој кој се справува со овој тип на болест.

Јас сум сведок дека овој рак го добиваат и помлади девојки како мене и многу други со кои се запознав во текот на моето лекување, па затоа сметам дека прегледите треба да бидат задолжителни за сите, наместо само за жени над 40 години.

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело