Љубовната приказна на Моника и Јовица: „Живееме во Чикаго, но желба ни беше да ја крунисаме љубовта во Скопје“

Детали

сабота, 06 август 2022

Се венчававме во соборниот храм Св. Климент Охридски и тоа беше воедно исполнување на една од моите животни желби затоа што нѐ венчаваше мојот дедо отецот Томислав Петковски. Самата церемонија во црква за мене беше магична што секогаш ќе ја паметам затоа што главниот збор го имаше мојот дедо...“, раскажува Моника Јованова (27) за CRNOBELO.com, која партнерот ја запросил во Доминиканската Република.

Моника Јованова (27) од Скопје, која 4 години работела во банка, сега се стреми за создавање на свој бизнис. Таа веќе 6 години живее во Чикаго со својот партнер Јовица Јовановиќ (29) од Скопје, сопственик на свој бизнис за градежништво во Чикаго. 

Неодамна парот направи свадба во Скопје, Моника беше невеста во принцеза стил, а за CRNOBELO.com раскажува детали од нивната љубовна приказна.

Љубовната приказна на Моника и Јовица:

„Нашата љубовна приказна започнува пред 12 години уште во средношколските денови и конечно ја крунисавме нашата љубов пред еден месец, поточно на 25-ти јуни.

Веќе 6 години живееме во Чикаго, но нашата желба беше токму Скопје каде сѐ започна да ја направиме свадбената церемонија и да го поминеме најубавиот ден со најблиските.

Свадбата ја спремавме една година, веднаш откако Јовица ме побара за жена во Доминиканска Република на приватен остров каде што ја видов најубавата и најбистра тиркизна вода што некогаш сум ја видела.

Во подготовките навистина уживав, голема естета сум и сакав секој детаљ да биде онака како што сум го замислувала, но мора да напоменам дека сето тоа и создава многу голем стрес. 

За фустанот од моите соништа се погрижи Златко Јовановски познат како JZJ и бескрајно сум му благодарна што секоја моја замисла ја претвори во реалност и го даде својот максимум за да ги задоволи сите мои очекувања.

Продолжува на следната страна...