Борис Чапанов: „Чувам африкански твор, навистина мириса малку, но е многу весело и чувствително животно“

Како му изгледа живеалиштето на твојот миленик?

Кафезот мора да биде простран и не смее да биде од затворен тип, мора да има кревет, кој може да биде од памучна ткаенина, да има место за нужда, хранилка, поилка за вода.

Со што се храни? Пие ли вода?

африканскиот твор е месојад, а во дивината јаде зајаци, глувци, змии и инсекти, додека во затворени услови ќе се засити со храна за мачки и сирово или варено пилешко и мисиркино месо.

Во природата живее во полиња и ливади, покрај рабовите на шумите, во мочуриштата, а во зима во близина на човечки населби за храна. И секогаш се обидуваат да бидат блиску до вода за пиење.

Си имал ли некој немил настан со него?

Да, ако може да се каже така. Мици е постојано пуштена да шета слободно во домот, се има случено да се отвори вратата од станот и да се симне по скалите.

Но, за среќа по брзата интервенција на моите родители успешно ја најдовме и ја вративме дома.

Сака ли галење? Кој член од семејството му посветува најмногу внимание?

Сака галење само кога и се приспива, но тоа е еден од ретките моменти, се случува по долги прошетки.

Не можам да кажам дека обврските околу нашите животни се оставени само на еден член, туку разделени рамномерно.

Од каде го набави?

Ја набавивме од одгледувачница во Швајцарија, кога таа имаше само два месеци. африканскиот твор како домашен миленик ми се допаѓа затоа што навистина е посебен и несекојдневен.

Што би им препорачал на другите заинтересирани дали африканскиот твор е соодветен за домашен миленици?

Би им препорачал доколку имаат можност, време и гоолемо трпение да земат африкански твор и да ја почувствуваат љубовта кон овие животни.

Продолжува на следната страна...