Љубовната приказна на Мими и Филип: „За првиот танц сами си направивме песна, а на свадбата имав 3 венчаници“

Сè што сакавме и замислувавме имавме време да го исполниме и организираме

Никогаш нема да заборавам на нашиот прв танц и песна која ја направивме за тој момент, за пријателите и роднините кој беа крај нас и за сите тие среќни ликови кој ни го направија нашиот ден уште поубав. Времето поминува, но спомените и љубовта е она за што живеме и памтиме.

Подготовките за денот на нашата венчавка траеа речиси една година.

Во подготовките навистина уживав, сакав секој детаљ да биде онака како што сум си го замислувала.

За овој мој ден имав подготвено венчаница, креација на Зиане Бакиу. Имав замислено како да изгледам во мојата венчаница, а со нејзина помош тоа стана реално и совршено.

Венчаницата ја подготвуваа речиси еден месец. Благодарна сум исто така во текот на вечерта имав уште две венчаници чии креации беа на мојата драга пријателка Марија Делчев (Marushkalabel) од Србија.

Сè почна од нашиот дом каде што живееме, заедно со најблиските, сакавме да имаме мала прослава до одењето во црквата, но не сакавме да трае предолго, па се одлучивме нашите најблиски пријатели и роднини да се собереме и да наздравиме за денот во нашиот дом.

Венчавката се одржа во божјиот храм Св. Димитрија во центарот на градот, а веднаш потоа имавме кратка фотосесија на неколку локации во Скопје.

Прославата продолжи во ресторан во Скопје, каде што беше и регистрацијата.

За првиот танц сами направивме песна непосредно пред свадбата во која се опишува нашата љубовна приказна. Наскоро и целата јавност ќе има можност да ја слушне бидејќи за истата подготвивме и видео, кое ќе ја прераскаже нашата љубов.

Повеќе наши колеги застанаа зад микрофонот и запеаја заедно со нас.

На самиот ден не почувствувавме умор, иако претходните денови пред нашата свадба ние нашата енергија ја трошевме и бевме и на други свадби, каде забавуваме други младоженци, но таа енергија и сила што ни ја даде Бог тој ден беше посебна и беше вистинска.

На крајот на свадбата јас и Филип на шега си рековме дека можеме секоја година да правиме свадба бидејќи бевме многу среќни и уживавме во секој момент.“

Повеќе фотографии од Мими и Филип на следната страна...