Шумахер се враќа во Ферари

7-кратниот светски шампион во Формула 1, Михаел Шумахер, се враќа во најбрзиот циркус првпат по пензионирањето во 2006 година, а на патеката...

 

...во Мелбурн на 29ти март како советник на инженерите на Ферари.

Агентот на Шумахер, Вили Вебер, потврди дека 40 годишниот првак ќе биде во пит стопот на италијанскиот гигант бидејќи неговите совети ќе бидат исклучително корисни за екипата.

"Не беше важно Михаел да се појавува во изминатите 2 години во нашиот пит стоп, но сега некои правила се променија и Михаел може да им помогне на инженерите подобро да го разберат болидот." изјавил Вебер за Билд.

Шуми веќе е на пат за Австралија, по што заминува за Куала Лумпур каде пред големата награда на Малезија ќе ги советува Фелипе Маса и Кими Рајконен.