Признание за напредниот систем OnStar на Opel/Vauxhall

Авто Експрес го препозна новиот систем на персонална конективност и сервисна асистенција како врвен.

Риселсхајм. Англискиот автомобилски магазин, Авто Експрес, му ја врачи наградата за технологија 2015. (Technology Award 2015) на Opel/Vauxhall, и тоа за OnStar, новиот систем на персонална конективност и сервисна асистенција. „Ова е високотехнолошка револуција, која ветува дека ќе го направи искуството на сопствеништво на Opel/Vauxhall многу попријатно за илјадници возачи ширум Велика Британија“, потенцира Авто Експрес.

Сеопфатната сервисна услуга, која ја нуди OnStar, вклучува 24-часовна асистенција во случај на судар, асистенција против кражба на возилото, помош на патот, преземање дестинација, дијагностика на возилото и важни оперативни податоци, како и далечинска контрола на различни функциина возилото, преку апликации за паметни мобилни телефони. Од август, операторите на OnStar, базирани во сервисниот центар во Лутон во Велика Британија, ќе бидат достапни 24/7, 365 дена во годината, решавајќи ги сите проблеми и итни случаи.

Со воведувањето на OnStara, секој Opel/Vauxhall ќе стане моќен мобилен извор на „Wi-Fi“. До седум мобилни уреди ќе можат истовремено да се поврзат, што ќе им овозможи на патниците можност да играат игри, да бидат во контакт со семејствата и пријателите преку друштвените мрежи и да гледаат телевизија и филмови преку стриминг. Возачот, исто така, може да го користи автомобилот како подвижна канцеларија, се разбира, кога возилото не е вклучено во сообраќај.

Новиот систем на персонална поврзаност и сервисна асистенција првиќно ќе биде лансиран на 13 европски пазари, додека останатите ќе следат подоцна. Сервисот, кој го овозможува OnStar, ќе биде бесплатен во првите 12 месеци по активацијата.