10 грешки кои ги прават повеќето луѓе кога купуваат нов автомобил

Од недоволно информирање до не помислување на препродажбата што евентуално ќе дојде, возачите често сами си удираат по џебот при купувањето на автомобил.

Според општите светски статистики возачите менуваат автомобил на секои 6 години.

Ова е долго време и сигурно сакате времето кое го минувате во друштво на вашиот „метален пријател“ да биде колку што може покомфорно и финансиите потрошени за негово одржување да бидат сведени на минимум.

За да стане тоа реалност треба да бидете внимателни при изборот на автомобил што ќе го купите.

Најчести грешки кои ги прават повеќето луѓе кога купуваат нов автомобил:

Не мислат на препродажба

Сигурно ќе дојде миг кога ќе одлучите да го продадете автомобилот, па пред да купите автомобил треба да размислите за важните детали.

Најважно е да одберете бренд на автомобил кој е популарен кај возачите, а потоа и на бојата. На пример портокалов автомобил ќе продадете многу потешко, отколку бел, црн или металик.

Бираат автомобил само според цената

Поголемиот дел од луѓето обрнуваат внимание само на цената, а забораваат на идните трошоци за одржување, сумата што треба да се плати за осигурување итн.

Со текот на годините трошоците се зголемуваат и тоа не секогаш ќе можете да го покриете со вашата плата. Затоа кога купувате автомобил направете проценка дали ќе ви биде економичен и во иднина или ќе се претвори во главоболка за целото семејство.

Ја преплаќаат дополнителната опрема

Пред купувањето треба да размислите колку од таа дополнителна опрема ви е навистина потребна затоа што цените на автомобилите драстично растат од дополнителните опции, а некои од нив нема воопшто да ги користите.

На пример многу возачи не пушат во автомобилот, па во тој случај пепелникот и запалката во него ви се непотребни. Ова важи и за многу други опции, освен, се разбира, за безбедносните мерки, на нив не смеете да штедите.

Купуваат автомобил кој штотуку излегол од производство

Обидете се да не го купите најновиот модел. Првите 3 години по производството на одреден тип на автомобил, компанијата собира информации за неговите недостатоци, прави подобрувања и го прави автомобилот подобар од претходната верзија.

Најдобар избор е автомобил кој е на пазарот повеќе од 3 години.

Купуваат автомобил со погрешна големина

Кога бирате автомобил не треба да размислувате само за тоа каков ви се допаѓа, туку да обрнете внимание и на неговата функционалност. Дали често одите во природа и водите големо друштво со вас или можеби наскоро планирате да имате деца?

На пример ако ви е потребен градски автомобил за на работа, тогаш добро е да биде помал затоа што ќе ви биде полесно за паркирање и ќе троши помалку бензин. Но, ако имате големо семејство и многу патувате, тогаш одберете нешто поголемо.

Уште 5 грешки на следната страна...