Работи кои треба да ги знаете ако возите електричен тротинет

Факт е дека електричните тротинети се поевтини од автомобил или такси, не ве заморуваат како велосипедите и се добри за планетата. Но, бројот на несреќи со електрични тротинети секојдневно расте.

Имено, експертите сметат дека овие тротинети се одлично превозно средство, но малкумина се свесни за безбедноста околу нив. Доколку и вие поседувате електричен тротинет, важно е да обрнете внимание на следниве нешта.

Носете заштитен шлем

Не е доволно само да го имате шлемот, туку треба и да го носите. Скршената рака или нога се лесни за лекување, но приказната е сосема поразлична доколку ја повредите главата.

Не возете под дејство на алкохол

Едно истражување покажало дека една третина од луѓето кои возат електричен тротинет консумирале алкохол 12 часа пред несреќата. Електричниот тротинет не е побезбеден од автомобилот, па доколку сте пиеле алкохол, побарајте друг превоз.

Возење во пар

Иако понекогаш е забавно, можеби и практично, избегнувајте да пренесувате луѓе со тротинетот. Овие возила се направени за една личност и повеќето од нив имаат носивост само до 100 килограми.

Невнимателно возење

Правилата за електричните тротинети се разликуваат во сите држави, па важно е да се информирате какви се кај нас. Ако сакате да возите по улица, не заборавајте да сигнализирате со вашата рака кога сакате да свртите. Исто така, доколку сакате да пренесувате нешто, ставете го во ранец, а не на рачките на тротинетот.

И најважно, заборавете на мобилниот додека возите. Дури и само ако ја проверувате мапата, најдобро е да застанете дури го правите тоа.

Неисправни тротинети

Пред да тргнете каде било, проверете дали вашиот тротинет е исправен. Пробајте ги кочниците и побарајте какви било сомнителни знаци

Вежбање

Можеби како мали сте возеле тротинет, но тоа не значи дека добро ќе го возите и електричниот. Овие возила не се многу стабилни, па и најмалите дупки можат да предизвикаат несреќа.

Кога ќе го набавите, најпрво вежбајте во вашиот двор или на некој паркинг пред да се вклучите во сообраќајот. Вежбајте го тргнувањето, застанувањето, забрзувањето, забавувањето и разните маневри. За да бидете постабилни, малку свиткајте ги колената.

Спирова С. | Црнобело