Канцеларката Ангела Меркел го посети штандот на Opel на ИАА

Електрична стратегија: Извршниот директор на Opel, Мајкл Лохшелер ја информира канцеларката

Светски премиери: Пет новитети што дебитираат на Opel на Меѓународниот автомобилски саем

Риселхајм. Германската канцеларка Ангела Меркел денеска официјално го отвори 68-от Меѓународен автомобилски саем во Франкфурт. Саемот трае до 22 септември. На нејзината традиционална посета на ИАА, канцеларката го посети и штандот на Opel во сала 11, каде извршниот директор на Opel, Мајкл Лохшелер ја извести за стратегијата за електрификација на компанијата. Петте премиери на ИАА на Opel вклучуваат три нови електрични модели: Corsa-e, Grandland X како плаг-ин хибрид и Corsa-e Rally. Сите модели на Opel ќе бидат електрифицирани до 2024 година.

„Во 120 години автомобилско производство, Opel отсекогаш комбинираше германски инженеринг со страствен дизајн, правејќи ја пионерската технологија и иновациите достапни за секого. Денес ова се однесува повеќе од кога и да е на електрична мобилност “, рече Мајкл Лохшелер за офанзивата на електричната мобилност на Opel.

Покрај новите електрифицирани модели, новата Opel Astra и шестата генерација на бестселерот kaj малиte автомобили Corsa ги имаа своите светски премиери на годинашниот ИАА.