Ќе му се исполни желбата за името - Огњен Амиџиќ и Мина ги бројат последните денови пред да станат родители

Детали

четврток, 15 февруари 2024

„Имаме подготвено име, кое го избра Огњен. Постои едно име што тој отсекогаш го сакал за своето дете и затоа веднаш прифатив“ – изјави сопругата на Огњен Амиџиќ, Мина Наумовиќ Амиџиќ. Таа ги збуни сите со нова фотка од кај фризер и рече дека пред породување донела необична одлука.

Српскиот ТВ водител, актер и музичар Огњен Амиџиќ и неговата 20 години помлада сопруга Мина Наумовиќ ги бројат последните денови од бременоста и со нетрпение очекуваат да го запознаат своето прво заедничко дете.

Додека Огњен ретко објавува фотографии на Инстаграм, освен неговите препознатливи фотки со нозе и чевли, Мина редовно ги известува своите следбеници за секој момент што ѝ се случува.

Таа пред неколку денови објави заедничка фотографија на која е со Огњен и со мајка ѝ и покажа дека последните денови од бременоста сака да ги поминува со најблиските.

„Мојата мајка и мојот маж, едно февруарско попладне, на само миг пред и самата да станам мајка. Животот е убав“ – порача тогаш Мина.

Сега, неколку дена подоцна, Мина на Инстаграм Стори објави фотка од фризерски салон и ги изненади своите следбеници, затоа што соопшти дека донела драстична одлука пред породување:

„Кога ќе му соопштам дека сакам да бидам русокоса“, што го збунило фризерот и таа успеа да му го улови изразот на лицето, но потоа не покажа дали навистина се одлучила за промената, или само се шегувала.

Јасно е дека овие мигови се посебни во животот на Мина и Огњен, а тие неодамна одговараа на Инстаграм прашања поврзани со бебето.

На прашањето како ќе се вика бебето, Огњен рече:

„Ќе ви кажам ако Мина дозволи. Сакавме, ако биде ќерка да се вика Миша, но подоцна најдовме подобро име“.

На ова се надоврза и Мина, па дополни:

„Искрено, имаме подготвено име кое го избра Огњен. Постои едно име што тој отсекогаш го сакал за своето дете и затоа веднаш прифатив.

Се воодушевив кога го слушнав и сакав да му ја исполнам желбата. Ќе знаете, ќе споделиме кога ќе дојде времето“.

За потсетување, Огњен претходно беше во брак со Данијела Димитровска со која има еден син, а потоа ја започна врската со 20 години помладата Мина, со која се венча во тајност во јануари годинава.

Б. С. Б. | Црнобело