Како изгледа денес актерката што ја глумеше Михримах, ќерката на Хурем Султан и Сулејман Величествениот?

Детали

недела, 08 февруари 2026

Зад себе има пропаднат брак со фитнес инструктор, а сега е омажена за бизнисмен со кого има две деца - како изгледа денес актерката што ја глумеше Михримах, ќерката на Хурем и Сулејман? Улогата што ја имаше е за девојка која во историјата не била убава, а таа е вистинска убавица на 41 година.

Сигурно се сеќавате на турската серија „Величествениот“, во која најдобро беше прикажана приказната за османлискиот султан Сулејман, но и за неговата љубов кон султанката Хурем.

Освен тоа, во серијата беа прикажани и сите интриги кои се случувале во семејството, а се здоби со голема популарност како во регионот, така и кај нас.

Поминаа многу години од емитувањето на оваа серија, а иако главните ликови често ги следиме и се присутни во јавноста, веројатно некои од другите веќе сте ги подзаборавиле.

Голем впечаток остави и Михримах, ќерката на Сулејман и Хурем, чија улога ја толкуваше турската актерка Пелин Карахан.

Во историските записи, таа никогаш не била прикажана како убава, туку ја опишувале како маж во здолниште, заради нејзината амбиција и тоа што секогаш била покрај татко ѝ, борејќи се за рамноправност.

Прочитајте повеќе: Ја нарекувале „маж во здолниште“, била советник на 2 султани: Детали за животот на Михримах Султан, ќерката на Хурем и Сулејман

Но, во серијата, и тогаш девојката беше впечатлива, а денес е порасната во вистинска убавица која веројатно не би ја препознале.

Пелин е родена во 1984 година во Анкара, каде завршила основно и средно образование, а потоа студирала туризам.

Во актерските води се впуштила прво со снимање реклами, потоа имала улога во тинејџерска серија која била многу успешна, а улогата на Михримах посебно ја прослави.

Таа уште се занимава со глума, но сепак не толку активно колку што ѝ се предвидуваше, но се појавува и како ТВ лице и водител.

Во 2014-та се венчала за бизнисменот Бедри Гунтај, со кого сега има два сина, а на Инстаграм се прикажува како модерна мајка со впечатливи стилски аутфити.

Пред ова, во 2011 се омажила за фитнес инструкторот Ердинч Бекироглу, но бракот траел само 2 години.

Повеќе фотки од неа денес:

М. М. | Црнобело