Лила издоминира на Светски ромски бал 2024, Агнеса и Биг Мама воодушевија со стилот

Детали

петок, 19 јануари 2024

Свечени фустани за жените, класични костуми за мажите... Како се дотераа нашите јавни личности за 44-тиот Светски ромски бал во Скопје?  

Вчеравечер (18.01) во хотелот Александар Палас се одржа 44-тиот традиционален Светски ромски бал.

Одлична забава, музика со најголемите ромски ѕвезди, но и Цеца и Теа Таировиќ, собра на едно место голем број гости, не само од Македонија, туку и од регионот, па и Германија, Швајцарија, од скандинавските земји, а имаше и гости од Австралија.

Меѓу гостите беа и луѓе од јавниот живот во земјава, кои се потрудија да го испочитуваат дрес кодот и да изгледаат беспрекорно на настанот.

Меѓу нив издоминира Лила Филиповска, која оваа година беше и водител на Светскиот ромски бал. Таа носеше црн фустан со светки со длабок шлиц, деколте и долг плашт, кој се вадеше.

Во црн фустан од проѕирна тантела беше облечена инфлуенсерката Агнеса Органџиева.

Пејачката Биг Мама за оваа пригода избра краток маслинесто зелен фустан со светки.

Во црн фустан, со бела крзнена наметка и шешир се дотера Ана Бајрам, сопругата на Габриел Бајрам, кој е и организатор на балот.

Фризерот Зоран Давитков носеше црн костум, а неговата придружничка воодушеви со црниот фустан со принт во црвена, сина и бела боја, кој го искомбинирала со кожена јакна.

Погледнете дел од модните изданија на 44-тиот Светски ромски бал:

Повеќе фотографии на следната страница: