Спонзорирано од:
Спонзорирано од ОгласиЗаРабота.мк


Славчо Попоски, метеоролог: „До среда послаби врнежи од снег, температурите ќе се спуштат и под -10˚C“

„До среда ќе имаме претежно облачно време со послаби врнежи од снег, особено во западните и во југозападните предели“, вели Славчо Попоски за претстојната недела.

slavcho-poposki-meteorolog-sneg-kje-vrne-do-sreda-temperaturite-kje-se-spushtat-i-pod-10-c-01.jpg

Викендов во Скопје, но и поголемиот дел во Македонија имаше обилни врнежи од снег, а во повеќето градови првпат се формира и снежна покривка за оваа зима.

Врнежите снег ќе продолжат и во текот на првата половина од неделата, а температурата на некои места ќе се спушти и под -10 степени Целзиусови.

Во продолжение, прогнозата на Славчо Попоски за претстојната недела:

„Под влијание на многу ладен воздух со потекло од Арктикот, до крајот на оваа работна недела ќе имаме исклучително студено време, со минимални температури кои насекаде низ Македонија ќе бидат под нулата.

На повеќе места наутро ќе се спуштаат до околу -10 степени Целзиусови, а понекаде дури и под -10 степени Целзиусови, односно до околу -15 степени Целзиусови.

slavcho-poposki-meteorolog-sneg-kje-vrne-do-sreda-temperaturite-kje-se-spushtat-i-pod-10-c.JPG

И максималните дневни температури ќе бидат ниски и на повеќе места ќе се движат околу, па и под нулата.

Само во централните и во југоисточните предели тие ќе се искачуваат за неколку степени над нулата. Повремено ќе дува слаб до умерен ветер од северен и од североисточен правец.

Во Скопје во текот на оваа работна недела температурата наутро ќе се спушта до околу -5 степени Целзисуови, а преку ден таа ќе се искачува во интервалот помеѓу 2 и 4 степени Целзиусови.

slavcho-poposki-meteorolog-sneg-kje-vrne-do-sreda-temperaturite-kje-se-spushtat-i-pod-10-c-03.JPG

До среда ќе имаме претежно облачно време со послаби врнежи од снег, особено во западните и во југозападните предели.

И во Скопје и околината до среда ќе има услови за повремено провејување на снег.

Во деновите после среда ќе имаме постепено намалување на облачноста.

slavcho-poposki-meteorolog-sneg-kje-vrne-do-sreda-temperaturite-kje-se-spushtat-i-pod-10-c-04.JPG

НАПОМЕНА: Поради ниските температури кои ги очекуваме, насекаде во државава ќе имаме појава на голомразица, па така особено крајно внимателни да бидат возачите, но и пешаците“.

Спирова С. | Црнобело

фото: freepik.com, Фејсбук

Би можело да ве интересира:

Мајка од Скопје: „Снимив видео како син ми гали маче, ме нападнаа дека го малтретира - зошто толку о... „Мика на видеово е бебе од 14 месеци, со недоволно развиена моторика на рацете и...
Македонија е на 47-то место на листата за најдобра национална кујна во светот - Кои се нашите топ 10... Кои се задолжителните работи кои мора да ги пробате од македонската кујна? Како ...
Зои Блаж за бременоста во Германија: „Срцева реакција слушате дури во 20-тата недела - што е поинаку... „Прва контрола направивме во 7-та недела од бременоста, а доста е чудно е што им...
Македонија покажа хуманост на дело: Срценцето на бебето Аника е успешно поправено Мајката на Аника откри дека малото ангелче добро закрепнува по успешно изведенат...
Дарио на кафе со ќерката, синот на Павле Камилоски во носија на Галичка свадба: Што прават македонск... Пејачката Лина Пејовска доби награда „Kraljevski Oskar за најпопуларна пејачка о...
Американец не може да ѝ одолее на нашата храна - јаде гравче тавче, наздравува со ракија во Скопје (... Американецот Џастис, кој го обожава Балканот, со ново вирално видео - во скопска...

Најчитани неделава

sonovnik-sidebar.jpg