Taлентираната Стефани од Гостивар црта со вино, кафе и разни други техники (фото)

Детали

петок, 24 јануари 2025

„Омилена техника ми е сликање со кафе, затоа што е несекојдневна. Треба напорна работа за да се стигне до посакуваната цел“, вели Стефани Стојаноска Наумческа (28) од Гостивар.

Стефани Стојаноска Наумческа (28) е уметница од Гостивар.

Таа слика со повеќе техники и вели дека за неа уметноста е љубов.

Стефани споделува за CRNOBELO.com:

„Со уметноста се сретнав уште во најрана возраст, кога имав само 6 години. Како мала знаев често да земам лист или тетратка и да цртам.

Тетратките ми беа полни со цртежи.

За уметноста можам да кажам дека е дарба и талент, кој мора да се надоградува со упорна работа.

Имам околу 260 мои дела.

Учествувам на ликовни колонии, а наскоро ќе следува и самостојна изложба.

Од уметност сликам со: кафе, вино, апстракција, техника туш, акрил, масло на платно, мандала, 3D цртање на стакло, на дрво, портрети, карикатури итн.

Најпрво започнав со графика, но најбарани се апстракциите.

Омилена техника ми е со кафе затоа што е несекојдневна. Треба напорна работа за да се стигне до посакуваната цел.

Продолжува на следната страница...