Сандра Кирков за пневмонијата: „Доктор ми го виде рендгенот и врескаше ‘Ти ќе умреш ако не лежиш во болница’“

Почнав со терапијата, но моето тело го одбиваше антибиотикот, па целата ситуација ескалираше на 6-ти јануари.

Температурата не ми се спушташе и сè ми изгледаше дека оди кон полошо . За среќа, беше друг доктор на смена, повторно ми направи рендген и споредбата на двете снимки не беше пријатно искуство.

Тој дојде во ходник и почна да вреска дека јас морам да лежам во болница. Докторот беше здрвен и викаше: „Ти ќе умреш ако не лежиш во болница“.

Не знам како изреагирав во тој момент, но знам дека следното што се договаравме е дека ќе лежам на клиника.

Тој беше видно вознемирен и потоа зборувавме колку е сериозна работата, нешто што не ми беше објаснето првиот пат кога бев.

Отидов на Инфективно на Клиника, ме видоа во амбуланта и ме пратија на компјутерска томографија.

Попладнето бев хоспитализирана, не знам колку инфузии на ден примав, но во еден момент на ден беа повеќе од 7.

Кај мене главниот проблем беше што температурата не ми паѓаше со денови, имав температура 23 дена ми се чини.

Беше алармантно што примав многу антибиотици, а температурата и понатаму се јавуваше. И ми се јавуваше во исто време секој ден, во 17 часот попладне и во 23 часот навечер.

Поради тоа почнаа да ми ги прават сите можни испитувања, постојано боцкање, вадење крв, анализи, па чекаш резултати и тоа ти е цела вечност, мислиш на најлошото.

За среќа, сè беше негативно. Најстрашни испитувања што ми беа правени беа тумор маркери и испитување за туберколоза.

Барајќи го жариштето за температурата, ми направија ехо на срце, ехо на абдомен, бев и на гинеколог, буквално секаде ме пратија и немам збор за односот на докторите и сестрите – прекрасни!

Да не беа они, не знам што ќе правев, толку се посветени на пациентите и работата, го имаат човечкото во себе и дај Боже во сите болници да имаме вакви луѓе.

Од антибиотици мислам дека примив 4 различни терапии, сè додека последната да профункционира и да имам некакво подобрување.

Но, докторите решија дека тоа не е доволно, па мораше да се префрлам на Пулмологија и таму да продолжам со терапија.

Продолжува на следната страница...