Пар од Хрватска е воодушевен од Македонија: „Не е ни Берлин, ни Париз - Скопје е“

Детали

вторник, 11 март 2025

„Прва станица Скопје. Запознавме прекрасни и многу љубезни луѓе. Се сликавме со статуи. Минувавме мостови. Јадевме превкусна храна. Повторно јадевме. Тешко е тука да не се јаде многу...“, споделуваат Јана и Иван од Хрватска за Скопје, а потоа го претставуваат Охрид преку нивниот објектив.

Јана и Иван се брачен пар од Хрватска и тие го водат порталот „Svjetski Putnik“, на кој ги документираат своите патувања.

Овие патувачки блогери неодамна престојуваа во Македонија со своите деца, а на нивниот Инстаграм профил, како и на сајтот, споделија и впечатоци.

Тие на Инстаграм споделија:

„Македонија

Прва станица Скопје.
Зедовме и водич.
Запознавме прекрасни и многу љубезни луѓе.
Дознававме неверојатни приказни.
Се дружевме со кучиња.
И мачки.

Се сликавме со статуи.
Минувавме мостови.
Два дена талкавме низ градот.

Јадевме превкусна храна.
Повторно јадевме.
Тешко е тука да не се јаде многу.
Јадевме и колачи, па мораме пак затоа што се одлични.

Пиевме вино (ок, вина).
Пиевме локално пиво.

Денес одиме во Охрид.
Пијам кафе и чекам жежок бурек“.

Тие објавија фотографии од Скопје и напишаа:

• Не е Сараево...
• Не е Венеција...
• Не е Берлин...
• Не е Париз...
• Не е Турција...
• Не е Прага...
• Не е Лондон...
• Повторно, не е Лондон...
• Поздрав од Скопје!

Но, потоа споделија низа фотографии и видеа од Охрид и открија дека македонскиот бисер буквално ги воодушевил.

Прочитајте што напишаа за Охрид на нивниот сајт ТУКА.

Охрид преку нивниот објектив:

С. С. | Црнобело