Хелена Роза горда на својата ќерка - Кјара дипломираше на втор факултет во Нов Зеланд и прослави со семејството

Детали

петок, 16 мај 2025

Кјара Пауни, ќерката на Хелена Роза, уште еднаш покажа колку е успешна и амбициозна во својата професионална кариера и во желбата да биде успешен адвокат, но и да биде дел од политичкиот живот на Нов Зеланд.

Кјара, неодамна официјално стана адвокат во Нов Зеланд, а сега зеде дипломи за двата завршени факултети - правен и општествени студии.

Церемонијата на свеченото доделување дипломи се одржа вчера (15.05), а меѓу оние кои ја бодреа беше и нејзиниот сопруг, како и мајка ѝ Хелена со сопругот Игор, и помалиот брат на Кјара, Тијан.

Тие ѝ подарија прекрасни букети цвеќе, а Кјара позираше со дипломата, во црна наметка и дипломска капа на главата. Фотографиите ги објави на Инстаграм, со порака: „Двојна диплома“.

Нејзината мајка, поранешната водителка Хелена Роза, пак, не ја криеше гордоста поради новиот успех на Кјара.

За CRNOBELO.com, Хелена откри:

„Кјара имаше церемонија на официјално земање на дипломите. Таа заврши два факултета - претходно правен, а сега и општествени студии со специјализација за меѓународни односи и политика.

Инаку, дипломираше на Универзитетот Оукленд, кој е најдобриот универзитет на Нов Зеланд“.

Погледнете повеќе фотографии:

Прочитајте и Ќерката на Хелена Роза стана адвокат во Нов Зеланд: Бела перика и црна наметка за заклетвата, поддршка од семејството

А. Ј. | Црнобело