Вљубено го бакнува, тој дува свеќичка – Мартија со дечкото во Љубљана за неговиот роденден (фото)

Детали

среда, 05 ноември 2025

Нашата Мартија (21) ретко зборува за љубовниот живот, но по повод роденденот на саканиот Матеј, објави фотки од патувањето во Љубљана – шетаат по дожд, го бакнува, а потоа тој дувна свеќички на колач.

Мартија Станојковиќ е во врска со Матеј Козаков околу 2-3 години, но не сака многу да зборува за љубовниот живот во јавност.

Таа приватно ја ужива љубовта, но повремено објавува фотки од нивните патувања.

Овој пат, парот изгледа како да е во Љубљана, а токму таму Матеј го дочекал својот роденден.

Пејачката на Инстаграм Стори објави неколку фотки со кои му го честита роденденот.

„Среќен роденден љубов“ – напиша таа на фотка на која позираат со чадор низ дождливиот град, а потоа објави една на која го бакнува вљубено и уште една на која тој дува свеќичка на колач во ресторан.

Инаку, Мартија откри дека е вљубена во летото 2023, но на почетокот го криеше неговиот лик.

Првата заедничка фотографија како пар ја објавија неколку месеци подоцна, на свадба во Скопје.

M. M. | Црнобело