„Три разиграни срциња“ - Тројката на Горан Папаз и сопругата наполни една година - прославија со 3 торти

Детали

вторник, 30 декември 2025

„Една година од најубавиот ден во мојот живот - 3 нови, разиграни срциња во 3 минути...“, ја започна емотивната објава Наташа, сопругата на Горан Папаз и мајка на Лена, Луна и Лазар Папаз. Семејството славеше дома со своите најсакани.

Нашиот саксофонист Горан Папаз и неговата сопруга Наташа на 30.12.2024 станаа родители на тројка, а бебињата ги крстија Лена, Луна и Лазар Папаз.

Горан е посветен татко кој е вклучен целосно во родителството и одгледувањето на децата, а не смета дека мажите треба да помагаат, туку подеднакво да ги делат одговорностите со мајката.

Има и постар син, а на Инстаграм постојано објавува кадри од секојдневието со 4-те деца.

Сега, неговата сопруга Наташа по повод првиот роденден на нивната тројка, сподели емотивна објава на Инстаграм. 

Наташа напиша:

„Една година од најубавиот ден во мојот живот - 3 нови, разиграни срциња во 3 минути.

СРЕЌЕН РОДЕНДЕН СОНЦИЊА НА МАМА И ТАТО, да сте ни секогаш здрави, среќни, разиграни, палавки и исполнети со љубов и прекрaсни луѓе околу вас.

Ве сакаат мама, тато и бато до бесконечноста и назад.

П. С. За мене вака изгледа 'Раце полни љубов и среќа'.“

Прочитајте и Горан Папаз, татко на предвремено родена тројка: „Девојчињата беа месец и пол во болница, Лазар го чуваа бабите и дедовците“

С. С. | Црнобело