Бојан Чунде на 20 години по скок од педалинка во Охрид останал инвалид: „Докторот ми кажа дека нема да застанам на нозе“

И сега доаѓа доктор Панковски и јас начекувам можност да го прашам – Докторе, кога јас ќе станам, да пробам да одам...

Само ми кажа, чекај, има време, ние нашето го направивме, останатото е од Бога.

И јас малку се збунив, затоа што коа доктор ти го споменува Бог, за мене, според моите сфаќања, не е добар знак.

Наредниот ден доаѓа доктор Шумковски, тој е подиректен и му го поставувам истото прашање и тој само кратко ми одговори дека треба да се навикнам на нов начин на живот, дека нема да станам и дека ќе користам инвалидска количка.

Во тој момент се случува некоја блокада, не бев спремен да ја примам таа информација и прашувам – А, катетерот?

Тој ми вика – Ќе го извадиме, ќе носиш пелени и тоа ми е уште еден шок.

Го гледам татко ми и во моментот е статуа, не мрда... Не очекуваше дека ќе дојде информацијата до мене.

Докторот илзегува и татко ми само смирено ми рече – Остави го докторот што ти кажа, јас ти гарантирам дека ќе проодиш“. 

Кликнете на видеото за изјавата:

Погледнете го целиот подкаст за комплетната приказна на Чунде:

С. С. | Црнобело