Здравко Чолиќ на гости кај Перо Мрзенци - Ручек на омиленото место, пријателство што трае со децении

Детали

сабота, 09 мај 2026

Кога е кај нас, Здравко најчесто избира да оди на ручек или вечера кај луѓето со кои, со текот на времето, освен взаемно почитување, изградил и вистинско пријателство. А еден од нив е и сопственикот на ресторанот „Мрзенци“, Перо, со кого се дружат со децении.

Балканската ѕвезда, Здравко Чолиќ е чест гостин во Македонија - некогаш поради концерт, настап на приватна забава или само на поминување низ земјава.

И иако вели дека не постои место кај нас кое не му се допаѓа, Чола не крие дека ресторанот Мрзенци му е еден од омилените кај нас, а тоа го кажа и во интервјуто за CRNOBELO.com:

„Не 3 има 300 работи во Македонија што ми се допаѓаат најмногу. Да речеме македонските девојки, жени... Следни ми се Охридско Езеро и пастрмката, јагнешкото во Гевгелија, во Мрзенци, а не можам да ги заобиколам ни македонскиот темперамент и музиката кои ми се високо на листата“, рече тогаш тој.

Здравко токму затоа и најчесто избира да оди на ручек или вечера кај луѓето со кои се познава и се дружи со години, и со кои со текот на времето, освен взаемно почитување, изградил и вистинско пријателство.

А еден од нив е и сопственикот на ресторанот „Мрзенци“, Перо, кој со Здравко негува пријателство што трае со децении.

Па кога пред неколку дена Здравко дојде во земјава, отиде во ресторанот на Перо, а фотографиите од нивната средба беа споделени на Инстаграм профилот на ресторанот, но и кај сопственикот Перо.

„Пријателство... Перо и Чола“, пишува во описот на фотките.

Иако добија многу коментари дека се прекрасни луѓе и двајцата, некој на шега праша „Кој е човекот застанат покрај Перо?“.

А. Ј. | Црнобело