Задолжително носење заштитна опрема – Каде не треба да се појавите без маска или шал?

Детали

четврток, 23 април 2020

(23.04.2020) Иако рестриктивните мерки од денес се намалени и полицискиот час е скратен, сепак тоа не значи дека се намалуваат сите мерки.

Фото: depositphotos.com

Како што беше напоменато на прес-конференциите, Министерот Венко Филипче, објави дека од денес (23.04.2020) е задолжително носење заштитна опрема.

Со цел успешно да заврши оваа тешка ситуација за сите, мора да останеме силни и до крај да се избориме како што треба.

Почитувајте ги правилата, не излегувајте од дома непотребно, а кога треба да излезете, одржувајте социјална дистанца од 2 метра и задолжително носете заштитна опрема, односно маска, шал или марама, во затворени простории или во отворени кога не може да се одржува дистанца.

Во продолжение погледнете го целосното соопштение и запознајте се каде мора да носите заштита на уста:

❗Од денес е задолжително носење на лична заштитна опрема за носот и устата која може да биде: респираторна маска, хируршка маска за еднократна употреба, текстилна маска за повеќекратна употреба, памучна марама или шал, бандана и слично.

?Носењето е задолжително во сите затворени јавни објекти како државни институции, маркети, продавници, банки, пошти, јавен превоз, чекални, здравствени институции и слично.

?Носење заштитна опрема на отворено е задолжително на отворени пазари и секогаш кога не можете да одржувате минимална дистанца од 2 метри од најблиското лице до вас.

?Што значи практично ова?
Доколку се движите низ гужва на улица, чекате јавен превоз со голем број патници на станицата или сте во слична ситуација да морате да бидете во непосредна близина на други лица и не можете да се одалечите на 2 препорачаната дистанца од 2 метри, задолжително носете заштитна опрема.

?Заштитна опрема надвор не е задолжително ако:
– престојувате во двор на станбена семејна куќа,
– возите велосипед или спортувате на отворено, но ја одржувате дистанцата од минимум 2 метри,
– патувате во патничко моторно возило со лица со кои заедно живеете
– се движите на јавни места и површини од отворен тип каде не слободно може да одржувате дистанца од 2 метри.

❗Заштитната опрема е значајна да го спречиме ширењето на вирусот, со неа се штитите себеси и сите околу вас. Да бидеме одговорни и заедно да го спречиме ширењето, од сите нас зависи!