Спонзорирано од:
Спонзорирано од ОгласиЗаРабота.мк


Драган Спасов Дац и неговата сакана Весна се венчаа – таа тајно ја организирала венчавката како изненадување за роденден (фото+видео)

„Ова може само оваа до мене лудача да ми го направи, браво, сега стварно се потресов!“ - вели актерот. Со тајна организација, заедно со најблискиот круг на семејството и пријателите, партнерката на Дац купила бурми и викнала матичар на неговата роденденска забава, каде ја крунисаа љубовта - ексклузивни фотки и видео од прекрасниот момент, за CRNOBELO.com.

dragan-spasov-dac-i-negovata-sakana-vesna-se-venchaa-taa-tajno-ja-organizirala-venchavkata-kako-iznenaduvanje-za-rodenden-foto-video-01.jpg

По повеќе од една деценија љубов и заеднички живот, Драган Спасов Дац и неговата избраничка Весна официјално стапија во брак на 19.04.2022.

„Знам дека таа е целиот мој живот и таа е жената која точно се вклопи во моето сè. Љубов, огромна љубов е во прашање, а тоа е единствениот рецепт за среќа...“, изјави во една прилика Дац за CRNOBELO.com за својата сакана.

dragan-spasov-dac-i-negovata-sakana-vesna-se-venchaa-taa-tajno-ja-organizirala-venchavkata-kako-iznenaduvanje-za-rodenden-foto-video-002.jpg

Денес, на 20-ти април 2022, нашиот актер полни 59 години, а по тој повод имаше роденденска забава минатата вечер во скопскиот локал Трибека, каде истовремено имаа и свирка заедно со Александар Митевски.

Како изненадување на вечерта, неговата долгогодишна партнерка Весна, во најголема тајност, со помош од сестрата на актерот, кумот Александар Митевски и нивните најблиски пријатели, организираше венчавка.

dragan-spasov-dac-i-negovata-sakana-vesna-se-venchaa-taa-tajno-ja-organizirala-venchavkata-kako-iznenaduvanje-za-rodenden-foto-video-03.jpg

Весна имала возбудлив период во кој морала да организира матичар, да избере и купи бурми, да нарача бидермаер, а за сето тоа никако да не дознае нејзиниот партнер.

Во прекрасна атмосфера, во кругот на најблиските, но и на гостите во локалот, со насмевки на лицето, Драган и Весна го ставија својот потпис и ја крунисаа љубовта на која сведочеа кумот Александар Митевски и старосватицата Сандра Гавриловска.

dragan-spasov-dac-i-negovata-sakana-vesna-se-venchaa-taa-tajno-ja-organizirala-venchavkata-kako-iznenaduvanje-za-rodenden-foto-video-04.jpeg

Во еден момент од вечерта, Александар Митевски ја пее „Happy Birthday“ за да му го честита роденденот на Драган, а веднаш потоа со музика доаѓа невестата со вел кон него на бината, додека тој целосно изненаден и со насмевка ја пречекува.

„Ова само може оваа до мене лудача да ми го направи, не ми се верува. Браво! Е сега стварно се потресов“ – вели Драган на микрофон.

Честитки за парот!

Видео од изненадувањето:

Ексклузивни фотографии:

dragan-spasov-dac-i-negovata-sakana-vesna-se-venchaa-taa-tajno-ja-organizirala-venchavkata-kako-iznenaduvanje-za-rodenden-foto-video-03.jpeg

dragan-spasov-dac-i-negovata-sakana-vesna-se-venchaa-taa-tajno-ja-organizirala-venchavkata-kako-iznenaduvanje-za-rodenden-foto-video-02.jpeg

dragan-spasov-dac-i-negovata-sakana-vesna-se-venchaa-taa-tajno-ja-organizirala-venchavkata-kako-iznenaduvanje-za-rodenden-foto-video-05.jpeg

dragan-spasov-dac-i-negovata-sakana-vesna-se-venchaa-taa-tajno-ja-organizirala-venchavkata-kako-iznenaduvanje-za-rodenden-foto-video.jpg

dragan-spasov-dac-i-negovata-sakana-vesna-se-venchaa-taa-tajno-ja-organizirala-venchavkata-kako-iznenaduvanje-za-rodenden-foto-video-06.jpeg

©CRNOBELO.com Забрането преземање и копирање. Крадењето на авторски текстови е казниво со закон.

М. М. | Црнобело

Би можело да ве интересира:

„Внуко моја Гаиа“ - Драган Спасов Дац стана дедо, неговиот син Јаков со сопругата доби ќерка „Добре дојде на планетава внуко моја Гаиа! И сакам да знаеш дека... Ќе ти ја сак...
Автентична фотосесија на пар од Ресен на овоштарник со јаболка во Преспа, по повод роденден (фото) „Фотосесијата ја организирав за неговиот 23-ти роденден затоа што во Преспа сега...
Лила Филиповска за првпат се појави на настан со кратка коса – блеска со самодоверба и елеганција, п... Лила продефилира на Саемот за венчавки во црна тоалета со висок шлиц и за првпат...

Најчитани неделава

sonovnik-sidebar.jpg