Вирален статус на Драган Спасов Дац: „Скопје мое, те плукаат ли? Но, им кажа ли за плажите на Вардар, за корзото, за Треска?“

„Скопје, им кажа ли за плажите на Вардар? За корзото на плоштад и за корзото во Ѓорче, за дрворедите, за убавите градби. Дали им кажа за Сарај, за езерото Треска? Им кажа ли за Кензо?“, пишува Драган Спасов Дац.

viralen-status-na-dragan-spasov-dac-skopje-moe-te-plukaat-li-vidi-ako-te-plukaat-mozhebi-e-protiv-uroci-01.jpg

Силен татнеж и тресење на тлото на земјата ги разбуди скопјани на 26 јули пред 59 години во 5.17 часот. Многумина не се ни разбудија, се сеќаваат старите скопјани со солзи во очите за кобното утро во кое многумина ги изгубија саканите во урнатините, а илјадници останаа без родното огниште.

Градот како да пропадна в земја, само рушевини, прав и страв, многу страв и солзи, лелеци и спиење под отворено небо.

Но, Скопје се издигна како феникс.

viralen-status-na-dragan-spasov-dac-skopje-moe-te-plukaat-li-vidi-ako-te-plukaat-mozhebi-e-protiv-uroci-03.jpg

Денес (26.07), по тој повод актерот Драган Спасов Дац му посвети емотивна објава на Скопје на својот Фејсбук профил:

И... Скопје мое, како си?
Те закача ли некој?

Да не мочаат по тебе?
Можеби флаат ѓубре кај стигнат...

Те плукаат ли?
Види, ако те плукаат, можеби е против уроци, А?

Ако те мразат, можеби се дојденци... или?

Им кажа ли за плажите на Вардар?
За корзото на плоштад и за корзото во Ѓорче,
за дрворедите, за убавите градби.
Дали им кажа за Сарај, за езерото Треска?
Им кажа ли за Кензо?

Знам дека не се срамиш од опинците
на добродушните луѓе,
од оние кои учат како повеќе се сака...

Како се сакаат липите, тополите, јасените.
Како се сака Водно, Градскиот парк, Школка.

Ги сакаш ли убавите графити?
како оној со калинките, или
оние со бурекот, М?

Ќе видиш, еден ден ќе ни ги кажеш сите
твои болки и радости, преку нас, граѓаните...

Ама треба да се стрпиме за да дојде тој ден.
Знам, ќе дојде, ама кога...

Стварно не знам!

ДСД

viralen-status-na-dragan-spasov-dac-skopje-moe-te-plukaat-li-vidi-ako-te-plukaat-mozhebi-e-protiv-uroci-02.jpg

С. С. | Црнобело

Би можело да ве интересира:

Доктор Митов: „Во рака ми е првиот леб што сум го направил - баш каков што го сака жена ми“ „Природата нѐ учи на многу работи, но пред сѐ мислам дека нѐ учи на трпение. И п...
Лила во пустината Вади Рум, Дарко Велковски и Тамара во Рим: Што прават македонските ѕвезди деновиве... Фудбалерот Дарко Велковски и неговата сакана Тамара Чуприна уживаат во Рим, а па...
„Внуко моја Гаиа“ - Драган Спасов Дац стана дедо, неговиот син Јаков со сопругата доби ќерка „Добре дојде на планетава внуко моја Гаиа! И сакам да знаеш дека... Ќе ти ја сак...

Најчитани неделава

sonovnik-sidebar.jpg