Филмски маратон: Нови божиќни филмови кои не треба да ги пропуштите

Albert (2016)

Алберт е малечка елка со големи соништа. Тој сака да стане најпознатата новогодишна елка на Емпаер Стејт зградата. Кога се означува почетокот на изборот, Алберт тргнува заедно со неговите најдобри пријателчиња-дрвца да ја исполни својата судбина.

Season's Greetings (2016)

Дарси Блејк ја има работата од своите соништа. Нејзината специјалност се картичките со убави пораки кои ги креира, но наскоро сфаќа дека не може да го одржи чекорот со помладите луѓе во компанијата.

Работите се заплеткуваат кога пристигнува Ендру, кој треба да ја преземе компанијата од својот дедо и има малку поинаков пристап кон празниците.

Olaf's Frozen Adventure (2017)

Кусиот анимиран филм ќе ви ги стопли срцата, особено на сите обожаватели на оригиналниот Frozen. И во ова специјално божиќно издание, продолжуваат авантурите на Елса, Ана и Олаф.

A Bad Moms Christmas (2017)

„Лошите мајки“ повторно се враќаат, овојпат соочувајќи се со најголемиот семеен предизвик во годината: организирањето на божиќната прослава.

The Man Who Invented Christmas (2017)

Како се создаде едно од најдобрите и најпознатите дела на Чарлс Дикенс – „Божиќна песна“? Филмот, кој иако е фикција проткаен со многу магични елементи, нема да ве остави рамнодушни.

(О)Милена | Црнобело