Вистината е најмоќна - филмови инспирирани од реални настани

Може да уживате во различни филмски жанрови, но скоро никој не останува рамнодушен на филмовите инспирирани од вистински животни приказни. Зошто?

Затоа што вистината е моќна, силна, инспиративна. Не попусто рекле, животот пишува романи, а кога истите се успешни филмувани приказни, тогаш задоволството е двојно.

Доколку сте расположени за неколку одлични филмови инспирирани од реални случки, погледнете ги:

Battle of the Sexes (2017)

Били Џин Кинг е најдобрата женска тенисерка во светот во ’70-тите години на минатиот век. Во 1973 година, поранешниот машки шампион Боби Ригс познат по својот шовинизам, дрскиот јазик и склоноста кон обложување ја предизвикува на историски тениски меч.

Jackie (2016)

Натали Портман ја портретира најпознатата прва дама на САД, Џеки Кенеди. Дејствието се случува непосредно по атентатот на претседателот Џон Ф. Кенеди, додека Џеки се обидува да си ја врати вербата, да ги утеши своите деца и да го зачува она што го создал нејзиниот сопруг.

The Founder (2016)

Вистинската приказна за Реј Крок, бизнисмен кој го трансформирал ресторанот за брза храна на двајца браќа создавајќи име и бренд познати ширум целиот свет. Со помош на упорност, бескрупулозност и амбиција, денес тој бренд сите го знаеме како McDonald’s.

The Post (2017)

Неколку американски претседатели успеале да ја скријат вистината за војната во Виетнам, лажејќи ја јавноста со години. Кога доказите ќе се најдат во рацете на амбициозниот уредник на весникот Вашингтон Пост, останува прашањето дали истите ќе ѝ бидат обелоденети на јавноста.

Sully (2016)

Вистинската приказна за американскиот пилот Cheslley Sullenberger „Sully“ кој станал херој откако успеал да го слета оштетениот авион во реката Хадсон и да ги спаси патниците и екипажот на кобниот лет.

Уште 5 филмови на следната страна...