Кое е најдобро место за седење во кино, според критичарите, докторите и инженерите за звук?

Голем екран, силен звук и неверојатна атмосфера – гледањето филм дома и во кино дефинитивно не е исто, но мора да знаете од кое место може да доживеете најдобро искуство, без да си наштетите.

 

Многу луѓе имаат омилен ред и седишта кои секогаш ги бираат ако имаат можност, а повеќето тоа го прават во средина, но, дали е тоа правилна одлука?

Експертите од различни полиња откриваат кои места се најдобри за гледање, слушање и најпријатно искуство, па според тоа направена е анализа.

Како пример, земена е сала со 9 редови и 12 седишта во секој од нив.

Каде има најдобар звук, според експерт за озвучување на кино сали

За најдобро да уживате во квалитетот на звукот, најдобро е да седите во средината на редот, лоциран на две-третини оддалеченост од екранот.

Кога одите во различни сали, визуелно поделете ја салата на три дела и седнете помеѓу вториот и третиот дел на средина.

Каде е најбезбедно за здравјето, според докторите

Ако седите премногу блиску до екранот, до средината на филмот, вратот веќе ќе почувствува притисок и тоа ќе резултира со болка заради неправилната позиција на седење.

Кога го гледате екранот хоризонтално, не треба да го искривите вратот повеќе од 35⁰ за да го гледате од средината до горниот дел.

Според офталмолозите, наводно не постои разлика за видот помеѓу првите и последните редови, но заради не наштетување на ’рбетот, подобро е да не ги бирате седиштата во првите неколку редови.

Најдобра глетка според филмските и телевизиски инженери

Местата од кои аголот на хоризонтално гледање е 36⁰ од најоддалеченото место во салата, се најдобри за слика и звук. Ако сакате најдобро да ги доловите сцените на филмот, најдобро е да седнете во редот каде што краевите на екранот се совпаѓаат со границата на периферниот (страничен) вид.

Најдоброто место за гледање без вознемирување, според критичарите

Ако не сакате да слушате шепкање, смеење, коментирање, џвакање пуканки и бакнување на заљубени парови, најдобро е да седите на крајните седишта, бидејќи друштвата секогаш се групирани во средина, а и сите останати. Од тука никој нема да ви пречи и најдобро ќе може да се фокусирате на филмот.

Од каде најдобро ќе ги доживеете 3Д ефектите, според експертите

За вистинско уживање на тродимензионалната графика, експертите препорачуваат да седите во средината на шестиот ред, отприлика во средина на салата или малку над средниот ред.

Ако седите преблиску, ќе мора константно да ја вртите главата за да ги уловите специјалните ефекти, а некои 3Д објекти ќе се појавуваат како зад вас или премногу доцна.

Последните редови исто така не се добра опција, бидејќи ако сте предалеку може да гледате само дел од ефектите.

Од каде е најдобра светлината на екранот, според филмските продуценти

Зависно од вашата гледна точка, може да ви изгледа дека светлината е нееднакво дистрибуирана низ екранот, а тоа најмногу се случува во првите редови – еден дел ќе изгледа потемно, а друг посветло.

Затоа, филмските техничари и специјалисти советуваат да одберете место во средина на редовите над третиот.

М. М. | Црнобело