Хорор филмови од 2019 кои мора да ги изгледате доколку сте љубители на жанрот

Го ситниме последното тримесечје од 2019 година, што значи дека остануваат уште многу малку премиери на нови филмови.

Токму поради ова можеме да ги сумираме впечатоците од филмовите кои веќе се промовирани во тековната година.

Доколку сте љубители на жанрот хорор, тогаш дефинитивно не смеете да ги оставите неизгледани следните 10 филмови:

Ready or Not

Грејс се мажи за човекот од своите соништа и не може да биде посреќна. Но според традицијата на новата фамилија, таа мора да се скрие и да преживее од полноќ до разденување, додека останатите членови на семејството се обидуваат да ја уловат како некој плен.

Us

Аделајд повторно се враќа во местото каде што го поминала своето детство, овој пат со своето семејство. Но се чини дека местото е опкружено со мрачни, демонски сили. Како што спомените ѝ се враќаат, така Аделајд сфаќа дека овој пат не е само таа во опасност, туку и луѓето што ги сака најмногу.

Annabelle Comes Home

Ед и Лорејн се експерти за паранормални активности и ја заклучуваат опседнатата кукла Анабел на таванот. Но кога таа ги буди злобните духови во куќата, во опасност се сите - родителите, нивната 10-годишна ќерка, нејзините другарки и дадилката.

Brightburn

Тори и Кајл долго време се обидувале да имаат дете, но безуспешно. Соништата на Тори за мајчинството се исполнуваат со мистериозното пристигнување на Брендон. Тој е практично совршено момче, но како што навлегува во пубертетот станува јасно дека нешто не е во ред со него.

Scary Stories to Tell in the Dark

Ноќта на вештерките, 1968 година. Срела и нејзините двајца пријатели го запознаваат мистериозниот Рамон и откриваат бележник со страшни приказни, кои една по една започнуваат да се остваруваат во реалноста.

Продолжува на следната страна...