10 серии инспирирани од (морничави) вистински настани кои вреди да ги изгледате

Narcos

Првата сезона од Narcos се фокусира на Пабло Ескобар – најголемиот наркобос на сите времиња.

Серијата дава увид во неговиот приватен живот, но и сите злодела што ги направил за време на неговото „владеење“.

Mindhunter

Иако, за жал, беше откажана поради високи трошоци за снимање, Mindhunter e серија што треба да ја изгледа секој љубител на детективски приказни.

Главните ликови се инспирирани од вистинските ФБИ агенти кои го смислуваат изразот „сериски убиец“ и се првите кои почнале да прават психолошки профил на убијците.

Unorthodox

Мини-серијата на Нетфликс ја раскажува приказната за млада девојка која живее во многу религиозно еврејско семејство.

Не сакајќи да се венча, таа бега од заедницата и семејството и пробува да почне нов живот.

Серијата е снимена според автобиографската книга на Дебора Фелдман.

Alias Grace

Снимена според истоимената книга на Маргарет Атвуд, Alias Grace ја раскажува приказната на млада девојка која е обвинета за убиство.

Книгата на Атвуд е инспирирана од вистинската приказна на Грејс Маркс која била обвинета за брутално убиство.

Dr. Death

Главниот лик е хирургот Кристофер чии пациенти мистериозно умираат или остануваат осакатени.

Кога сфаќаат дека тој е одговорен, двајца негови колеги пробуваат да го спречат.

Серијата е снимена според приказна за вистински неврохирург кој намерно ги осакатувал, па дури и ги убивал пациентите на операциона маса.

Спирова С. | Црнобело